ROP ta publiká informashon di pèrmitnan otorgá den siman 15

Willemstad – Servisio pa Planifikashon Urbano ROP (ántes DROV) ta publiká informashon di pèrmítnan di konstrukshon otorgá den siman 15 di aña 2025.

 

Publikashon di pèrmít di konstrukshon pa siman 15 ta aksesibel via di e ‘website’ www.vvrp.cw/permit.

 

Dokumento nesesario pa por hasi un petishon pa un pèrmít di konstrukshon ta:

• Formulario pa hasi petishon (yena dos (2) bes), esaki taúnikamente disponibel na bali di ROP.
• Dos (2) kopia di plano di kas riba schaal 1:100.
• Dos (2) situatieschets riba schaal 1:1000 (por optené na Kadaster òf Ofisina di OW).
• Pago di e promé parti di legeskosten (nos ta akseptá únikamente swipe).
• ‘Meetbrief’ òf ekstrakto kadastral.
• Akta di propiedat, akta preliminar di kompra, akta di erfpagt òf akuerdo di hür.

Orario di bali pa entrega di pèrmít di konstrukshon ta riba djaluna i djamars, entre 8:00 di mainta te 11:30 di mainta.

Durante e otro dianan di siman, ROP ta habri mesun orario, esta di 8:00 di mainta te ku 11:30 di mainta pa otro servisio ku e ta ofresé.

Pa informashon general tokante ROP, por yama 511-3874 òf manda un mensahe via WhatsApp na mesun number.