Promé Minister Pisas a reuní ku presidentenan di ‘Eerste Kamer’ i ‘Tweede Kamer’ di Hulanda

Willemstad – Riba djaweps, 1 di mei 2025, Promé Minister Gilmar Pisas, i su delegashon a reuní ku Presidente di ‘Eerste Kamer’ di ‘Staten-Generaal’ di Hulanda, sr. Jan Anthonie Bruijn i tambe Presidente di ‘Tweede Kamer’ di ‘Staten-Generaal’, sr. Martin Bosma. E presidentenan tabata kompañá pa Remco Nehmelan (Griffier di Eerste Kamer), Fred Bergman (Griffier di Eerste Kamer di Komishon fiho di Relashonnan den Reino), Peter Oskam (Griffeir di Tweede Kamer) i Eva Meijers (Griffier di Tweede Kamer di Komishon fiho di Relashonnan den Reino) den kompania di representantenan di ‘Vertegenwoordiging van Nederland in Willemstad’ (VNW).

Durante e enkuentro a toka temanan importante di kual lo sigui elaborá riba dje otro siman na momento ku e delegashon di e Komishon fiho di Relashonnan den Reino ta di bishita na Kòrsou.

Despues di e enkuentro di ku Promé Minister Pisas e delegashon Hulandes a sigui ku su biahe pa Boneiru, promé ku nan bolbe bèk pa Hulanda.

---