TORNEO KOPA KÒRSOU TA KLA PA RANKA SALI DIA 9 DI MEI BINIDERO!
TORNEO KOPA KÒRSOU TA KLA PA RANKA SALI DIA 9 DI MEI BINIDERO!
Ayera ‘nochi den Kontentu Studios na Sambil a tuma lugá e sorteo pa definí e pulnan di e Torneo Kopa Kòrsou 2025. Manera ya ta konosí e torneo aki lo inisiá 9 di mei binidero i lo finalisá Dia di Bandera, 2 di yüli 2025. Durante wikènt i den simna lo tin partidonan tumando lugá den Stadion Rignaal ‘Jean’ Francisa, Stadion Ergilio Hato, Stadion Dr. Antoine Maduro i tambe na Soto Arena.
Ayera durante e sorteo aki tur klup partisipante ta tei presente ku 2 representante pa presensiá e anochi aki.
Un total di 25 klup a inskribí pa Torneo Kopa Kòrsou 2025 (maskulino) ku ta lo siguiente;
Promé Divishon;
- Atletiko Saliña
- Centro Dominguito
- Inter Willemstad
- Jong Colombia
- Jong Holland
- Scherpenheuvel
- SUBT
- Undeba
- Victory Boys
Segundo Divishon;
- Atomic
- Deportivo Sta Rosa
- Fc Inter
- Hubentut Fortuna
- Indekor
- Mahuma
- New Song
- Sithoc
- UD Tera Kòrá
- Vesta
Terser Divishon;
- C-Stars United
- De Koning
- Haitian Union Klup
- Stallions FC
- West Wolf United
- Wishi Marchena
Un total di 4 klup a inskribí pa Torneo Kopa Kòrsou 2025 (femenino), ku ta lo siguiente;
- Excellence School
- Hubentut Fortuna
- Inter Willemstad
- Undeba
Esaki ta e resultado di e repatishon di pul pa Kopa Kòrsou;
Skema pa e promé wikènt di Kopa Kòrsou;
| Stadion | Fecha | Orario | Tim di kas | Bishitante |
| Antoine Maduro | 9-5-2025 | 19:00 | SUBT | Haitian Union Klup |
| Antoine Maduro | 9-5-2025 | 21:00 | Hubentud Fortuna | F.C. Inter |
| Rignaal Francisca | 9-5-2025 | 19:00 | Jong Holland | C.H. Mahuma |
| Rignaal Francisca | 9-5-2025 | 21:00 | UNDEBA | INDEKOR |
| Antoine Maduro | 10-5-2025 | 19:00 | Inter Willemstad | C-Stars United |
| Antoine Maduro | 10-5-2025 | 21:00 | S.V. New Song | S.V. Atomic |
| Rignaal Francisca | 10-5-2025 | 19:00 | Jong Colombia | De Koning |
| Rignaal Francisca | 10-5-2025 | 21:00 | Victory Boys | S.V. VESTA |
| Ergilio Hato | 11-5-2025 | 17:30 | Scherpenheuvel | Wishi Marchena |
| Ergilio Hato | 11-5-2025 | 19:30 | Atletiko Saliña | C.D. Santa Rosa |
| Rignaal Francisca | 11-5-2025 | 17:30 | Centro Dominguito | FC West Wolf United |
| Rignaal Francisca | 11-5-2025 | 19:30 | F.C. Sithoc | U.D. Tera Kòrá |
E torneo maskulino ta konsistí di un grupo di fase i un fase di eliminashon (‘knock out’). E grupo di fase ta konsistí di 5 pul di 4 klup i 1 pul di 5 klup. Den fase aki lo hunga konforme e sistema di ‘double round robbin’ (tur kontra tur dos bes). Pues tur klup ta hunga máksimo 6 wega. Despues di esaki, e 16 mihó klupnan ta klasifiká pa e buèlta eliminatorio (‘knock out’).
Ta klasifiká; e mihó number 1 i number 2 di kada pul plùs e 4 mihó number 3 di e 6 pulnan.
Kada klup lo definí pa medio di sorteo awe ‘nochi den kua pul nan lo partisipá. Pa e sorteo aki e klupnan a wòrdu repartí den 4 kategoria konforme e último tabla di posishon, ku ta esun di kampionato 2021/2022.
E torneo femenino tambe lo wòrdu hungá konforme e sistema di ‘double round robbin’ (tur kontra tur dos bes).
Den e promé fase di weganan, FFK i FDDK a sòru tur partido ta kompletamente grátis pa pueblo di Kòrsou kompletu por disfrutá di tur e partidonan aki.
Un i tur ta keda kordialmente invitá pa presensiá e partidonan di Kopa Kòrsou 2025 ku lo inisia 9 di mei binidero na Stadion Rignaal ‘Jean’ Francisca i Stadion Dr. Antoine Maduro pa 7’or di anochi!
7 mei 2025