Siudadano ku a tende un sonido duru i topa ku un buraku den su bentana di kas situá na Kaya Silofon den bario di Nikiboko.

Djarason 14 di mei alrededor di 3 or di mardugá, ‘meldkamer’ sentral a risibí notifikashon di un siudadano ku a tende un sonido duru i topa ku un buraku den su bentana di kas situá na Kaya Silofon den bario di Nikiboko. Na yegada di polis, a konstatá ku e buraku den e bentana ta probablemente perforashon di un proyèktil. E kaso ta bou di investigashon. Si tin persona ku por tin informashon tokante e kaso aki, por fabor tuma kontakto ku polis via 715-8000 òf via e liña di tep anónimo 9310.