Entrada hudisial a tuma lugá na un kas situá den e bario di Playa Pariba.

 

Djaweps 15 di mei, alrededor di 5.30 or di mainta un entrada hudisial a tuma lugá na un kas situá den e bario di Playa Pariba. E entrada hudisial tabata den kuadro di sospecho di violashon di Lei di Arma di kandela BES. Na e kas no a topa ku e sospechoso. A konfiská un outo pa mas investigashon.

Algu mas lat alrededor di 9 or di mainta e sospechoso, un hòmber di inisial R.R.R.B, di 32 aña di edat a bin entrega su mes na warda di polis. A detené pa sospecho di violashon di Lei di Arma BES.

Investigashon den e kaso ta andando.