Presidente di Parlamento sr. Fergino Brownbill a tene un enkuentro informal ku lidernan di e frakshonnan den Parlamento.

Djabièrnè 16 di mei 2025, Presidente di Parlamento sr. Fergino Brownbill a tene un enkuentro informal ku lidernan di e frakshonnan den Parlamento. Durante e enkuentro a trata algun aspekto práktiko pa e periodo parlamentario nobo (2025-2029). Entre otro a informa tokante e desaroyo pa ku komishonnan ku mester keda lantá, kódigo di vestuario, protokòl, reunionnan pendiente i trayektonan di lei ku ta kanando. E enkuentro a bai den un esfera konstruktivo i a palabrá pa tene e tipo di enkuentro aki ku frekuensia.