Ornelio “Kid” Martina: Parlamento di Kòrsou a bai di akuerdo ku e proposishon pa stipulashon di e siguiente komishonnan fiho di Parlamento; Komishon di Asuntunan doméstiko, Komishon di Asuntunan di Reino, relashonnan Interparlamentario i relashonnan eksterior i Komishon di Prosedimentu.
Ornelio “Kid” Martina
Parlamento di Kòrsou a bai di akuerdo ku e proposishon pa stipulashon di e siguiente komishonnan fiho di Parlamento; Komishon di Asuntunan doméstiko, Komishon di Asuntunan di Reino, relashonnan Interparlamentario i relashonnan eksterior i Komishon di Prosedimentu.
No hopi tempu despues di e Komishon Sentral, Presidente di Parlamento sr. Fergino Brownbill, a habri un reunion Públiko pa trata e proposishon di komishon sentral di e tres komishonnan fiho:
a.Komishon di Asuntunan doméstiko;
b. Komishon di Asuntunan di Reino, relashonnan Interparlamentario i relashonnan Eksterior; i
c. Komishon di Prosedimentu.
Parlamento a bai di akuerdo ku e proposishon di e tres komishonnan fiho.
E intenshon ta pa mas tarda fin di yüni 2025, trata e sobrá komishonnan fiho.
Na final, sr .Brownbill a sera e reunion públiko.
Segun Reglamento di Órden, Parlamento por instalá un komishon fiho pa kada un Ministerio di Gobièrnu. Banda di esakinan tin un Komishon pa Asuntunan Doméstiko, un Komishon pa Asuntunan di Reino i Relashonnan Interparlamentario i un Komishon di Prosedimentu di Parlamento. E komishonnan fiho ta hasi tur trabou preparatorio i ta raportá i òf duna konseho na Komishon Sentral di Parlamento.
