Seremonia di sertifikado pa 57 partisipante den e programa di training pa industria di hospitalidat / Certificate Ceremony for 57 Participants in the Hospitality Training Program
Seremonia di sertifikado pa 57 partisipante den e programa di training pa industria di hospitalidat
WILLEMSTAD – 19 di mei 2025 – Resientemente un total di 57 partisipante a risibí nan sertifikado komo parti di e programa di training Her & Bijscholingstraject Hospitality Sector. E kursistanan a sigui un kurso kòrtiku intensivo (crash course) den kua nan a haña konosementu básiko teorétiko i tambe práktika pa por drenta e industria di hospitalidat. Ta trata di 23 asistente kòki, 8 asistente bartènder/weiter, 5 bellmen/hosts i 21 kamarera. Durante un seremonia ameno, sr. Franklin Sluis, Kabinetschef Ministerio di Desaroyo Ekonómiko na nòmber di Minister Charles Cooper, huntu ku Ofisina di Turismo di Kòrsou (CTB) a hasi entrega di sertifikado na e partisipantenan.
E kursonan di asistente kòki i asistente bartènder/weiter tabatin un durashon di 12 siman. Durante e kurso di asistente kòki, a trata e téknikanan básiko di preparashon di kuminda. E kursistanan ku a sigui e kurso di asistente bartènder/weiter, a siña entre otro e téknikanan di bartènder, tuma i sirbi pedido i kon pa duna servisio di kalidat. Ademas e kursistanan aki tur a kompletá un Personal Empowerment training dirigí riba desaroyo di nan abilidatnan interpersonal.
Tambe a tuma lugá e kurso di kamarera (housekeeping). E kuríkulo di e kurso a inkluí entre otro aspektonan di seguridat, higiena, limpiesa, mantenshon diario, téknikanan di drecha kama i idioma. E partisipantenan na e kurso di bellman/host a siña tur e aspektonan importante den e kontakto ku e turista; entre otro, saludá e turista, resolvé problemanan, komunikashon efektivo i sigurá un eksperensia agradabel pa e turista. Ademas, tur partisipante a haña un seshon di informashon di SOAW tokante e derechonan i obligashonnan di e empleado i e doño di trabou. Mayoria partisipante ya ta trahando na un kompania (leerbedrijf) den industria di hospitalidat pa un periodo di 5 luna i ta risibí un salario. Despues di e 5 lunanan, e kompania tin e posibilidat pa ofresé e partisipante un kontrato di trabou basá riba su prestashon.
E programa di training ta resortá bou di Ministerio di Desaroyo Ekonómiko (MEO) i Ofisina di Turismo di Kòrsou (CTB) ta responsabel pa su implementashon. E programa ta keda ehekutá den estrecho kolaborashon ku Ministerio di Labor (SOAW), Ministerio di Enseñansa (OWCS) i partnernan den sektor privá.
Certificate Ceremony for 57 Participants in the Hospitality Training Program
WILLEMSTAD – May 19, 2025 – Recently, a total of 57 participants received their certificates as part of the Hospitality Industry Training Program. The participants completed a short, intensive crash course in which they acquired both theoretical and practical basic knowledge to enter the hospitality industry. The group included 23 assistant cooks, 8 assistant bartenders/waiters, 5 bellmen/hosts, and 21 housekeeping staff. During a pleasant ceremony, Mr. Franklin Sluis, Chief of Cabinet Ministry of Economic Development on behalf of Minister Charles Cooper, together with Curaçao Tourist Board (CTB), presented certificates to the participants.
The assistant cooks and assistant bartender/waiter courses had a duration of 12 weeks. In the assistant cook course, participants learned basic food preparation techniques. Those in the bartender/waiter course learned bartending techniques, how to take and serve orders, and how to deliver quality service. In addition, all participants completed a Personal Empowerment training focused on developing their interpersonal skills.
A Housekeeping course was also offered. The curriculum included topics such as safety, hygiene, cleaning, daily maintenance, bed-making techniques, and language training. Participants in the Bellman/Host course were trained in all key aspects of tourist interaction, including greeting guests, problem-solving, effective communication, and ensuring pleasant guest experience. Additionally, all participants attended an information session from the Ministry of Labor regarding employee and employer rights and responsibilities. Most participants are already working at a learning company in the hospitality industry for a period of 5 months and are receiving a salary. After these 5 months, the company has the option to offer the participants a job contract based on their performance.
The training program is managed by the Ministry of Economic Development (MEO) and implemented by the Curaçao Tourist Board (CTB). The program is executed in close collaboration with the Ministry of Labor (SOAW), the Ministry of Education (OWCS), and partners in the private sector.
