Desishonnan di djárason 21 di mei 2025 / Beslissingen van woensdag 21 mei 2025
Desishonnan di djárason 21 di mei 2025
Publiká riba 23 Mei 2025
Desishonnan relashoná spesífikamente ku asuntunan di pais riba nivel nashonal di djárason, 21 di mei 2025:
1. Proposishon pa un akuerdo di hür pa espasio di ofisina pa Hunta di Konseho (Minister di Asuntunan General)
Konseho di Minister a aprobá e akuerdo di hür proponé entre Pais Kòrsou i Jadi Offices and Apartments pa uso di e edifisio di ofisina na Architectenweg no. 1, 1A, 1B, 1C i 1D. E edifisio lo wòrdu di hür pa un periodo di tres aña, for di 1 di desèmber 2025 te ku 30 di novèmber 2028, na benefisio di e Hunta di Konseho.
E Sekretario di Hunta di Konseho ta outorisá pa firma e akuerdo di hür na nòmber di Pais Kòrsou. Tambe a keda palabrá pa entregá konsepto di e dekreto nashonal na Gobernador pa firma. E desishon akí a wòrdu tumá a base di e petishon di Minister di Asuntunan General fechá 13 di mei 2025 i e petishon di Sekretario di Hunta di Konseho fechá 9 di mei 2025.
2. Revishon di EOP Coral Estate ku Reliant Realty N.V. (Minister di Tráfiko, Transporte i Planifikashon Urbano)
Konseho di Minister a bai di akuerdo pa inisiá e proseso pa un revishon parsial di e Plan di Desaroyo Insular (EOP) pa e área di Coral Estate. Tambe a aprobá kontenido di e akuerdo den konsepto riba e asuntu akí ku Reliant Realty N.V.
Minister di Tráfiko, Transporte i Planifikashon Urbano ta outorisá pa firma e akuerdo en konsepto akí na nòmber di Pais Kòrsou. A tuma e desishon a base di e proposishon di Minister di Tráfiko, Transporte i Planifikashon Urbano di 13 di mei 2025, teniendo kuenta ku e konseho di Direktor di Sektor di Infrastruktura i Planifikashon Urbano.
Banda di esaki a keda palabrá pa entregá konsepto di e dekreto nashonal na Gobernador pa firma.
3. Akuerdo di maneho ku Aspafiko riba koperashon ku Pais (Minister di Enseñansa, Siensia, Kultura i Deporte)
Konseho di Minister a aprobá e proposishon di Minister di Enseñansa, Siensia, Kultura i Deporte di 12 di mei 2025 riba konklushon di un akuerdo di maneho ku Asosiashon Paso Fino Kòrsou (Aspafiko). E akuerdo akí ta kontené akuerdonan tokante maneho, mantenshon i uso di un tereno na Sapaté pa aktividatnan deportivo i rekreativo.
Tantu Minister di Enseñansa, Siensia, Kultura i Deporte komo Minister di Tráfiko, Transporte i Planifikashon Urbano ta outorisá pa firma e akuerdo akí na nòmber di Pais Kòrsou. Tambe a keda palabrá pa entregá konsepto di dekreto nachonal na Gobernador pa firma.
4. Proposishon pa areglo mutuo riba e símbolo di moneda di e florin karibense (Minister di Finansa)
Konseho di Minister a aprobá kontenido di e areglo proponé entre Kòrsou i Sint Maarten pa loke ta trata e símbolo di moneda di e florin karibense. E asina yamá areglo mutuo akí ta basá riba artíkulo 38, promé insiso, di e Statüt pa Reino Hulandes. A tuma e desishon a base di e proposishon di Minister di Finansa interino fechá 9 di mei 2025 i e konseho di Direktor interino di Direktorado di Lei i Asuntunan Hurídiko fechá 27 di mart 2025.
5. Proposishon pa kambia e Areglo di Vakashon i Dispensashon di Servisio pa ámtenarnan pa motibu di oumento di ‘vakantieuitkering’ (Minister di Maneho di Gobernashon, Planifikashon i Servisio Públiko)
Konseho di Minister a tuma nota di e desishon anterior di Konseho di 14 di mei 2025 i ta disidí:
- Pa bai di akuerdo ku entrega di e konsepto di lei ku ta kambia e Areglo di Vakashon i Dispensashon di Servisio pa Ámtenarnan (oumento di ‘vakantieuitkering’) dor di Minister di Maneho di Gobernashon, Planifikashon i Servisio Públiko na e Konsulta Sentral Organisá pa Asuntunan di Ámtenarnan Públiko (CGOA) pa keda diskutí;
- Pa bai di akuerdo pa no paga 8% di e pago di fakansi na yüni 2025, a ménos ku tin un base legal pa hasi esaki.
E desishon akí a wòrdu tumá di akuerdo ku e proposishon di Minister di Maneho di Gobernashon, Planifikashon i Servisio Públiko di 13 di mei 2025 i konseho di e Direktor di Direktorado di Lei i Asuntunan Hurídiko di 8 di mei 2025.
6. Konseho riba e rapòrt Dekreto di Sanshon Omnibus Kòrsou (Minister di Asuntunan General)
Konseho di Minister a disidí di bai di akuerdo ku e desishon di konseho ku a tuma anteriormente riba 19 di mei 2025. E desishon akí ta konserní aprobashon di e rapòrt i e dekreto nashonal den konsepto ku medidanan general. E medidanan akí ta wòrdu ehekutá di akuerdo ku artíkulo 2 di e Lei di Sanshonnan Nashonal i artíkulo 2 i 5 di e Lei di Sanshonnan, tambe konosí komo dekreto di Sanshonnan Omnibus Kòrsou.
E konsepto di dekreto nashonal ta wòrdu entregá na Gobernador pa aprobashon. E desishon aki a wòrdu tumá a base di e konseho di 8 di mei 2025 di direktor di Legislashon i Asuntunan Hurídiko i e petishon di 21 di mei 2025 di Minister di Asuntunan General.
7. Konseho riba e dekreto nashonal den konsepto pa nombramentu di supervisor di akuerdo ku artíkulo 11, promé insiso, di e Lei di Sanshon (Minister di Asuntunan General)
Konseho di Minister ta aprobá e dekreto nashonal den konsepto pa nombramentu di supervisor di akuerdo ku artíkulo 11, insiso 1, di e Lei di Sanshon. E diseño akí lo keda entregá na Gobernador pa aprobashon. E desishon akí a wòrdu tumá a base di e konseho di e Direktor di Direktorado di Lei i Asuntunan Hurídiko fechá 8 di mei 2025 i proposishon di e Minister di Asuntunan General di 21 di mei 2025.
Beslissingen van woensdag 21 mei 2025
Geplaatst op 23 05 2025
Belangrijke beslissingen voor het land in verband met staatsaangelegenheden van woensdag 21 mei 2025:
1. Voorstel voor huurovereenkomst voor kantoorruimte voor de Raad van Advies (Minister van Algemene Zaken)
De Raad van Ministers heeft ingestemd met de voorgestelde huurovereenkomst tussen het Land Curaçao en Jadi Kantoren en Appartementen voor het gebruik van het kantoorpand aan de Architectenweg no. 1, 1A, 1B, 1C en 1D. Het pand zal voor een periode van drie jaar, van 1 december 2025 tot en met 30 november 2028, worden gehuurd ten behoeve van de Raad van Advies.
De Secretaris van de Raad van Advies is gemachtigd om namens het Land Curaçao de huurovereenkomst te ondertekenen. Ook is akkoord gegaan met het aanbieden van het bijbehorende concept-landsbesluit aan de Gouverneur ter ondertekening. Dit besluit is genomen op basis van het verzoek van de Minister van Algemene Zaken van 13 mei 2025 en het verzoek van de Secretaris van de Raad van Advies van 9 mei 2025.
2. Herziening EOP Coral Estate met Reliant Realty N.V. (Minister van Verkeer, Vervoer en Ruimtelijke Planning)
De Raad van Ministers heeft ingestemd met het starten van het traject voor een gedeeltelijke herziening van het Eilandelijk Ontwikkelingsplan (EOP) voor het gebied Coral Estate. Ook is goedkeuring gegeven aan de inhoud van de conceptovereenkomst hierover met Reliant Realty N.V.
De Minister van Verkeer, Vervoer en Ruimtelijke Planning (VVRP) is gemachtigd om namens het Land Curaçao deze conceptovereenkomst te ondertekenen. Het besluit is genomen op basis van het voorstel van de Minister van VVRP van 13 mei 2025, met inachtneming van het advies van de Sector Directeur Infrastructuur en Ruimtelijke Planning.
Daarnaast is afgesproken om het bijbehorende concept-landsbesluit ter ondertekening aan te bieden aan de Gouverneur.
3. Beheersovereenkomst met Aspafiko over samenwerking met het Land (Minister van Onderwijs, Wetenschap, Cultuur en Sport)
De Raad van Ministers heeft ingestemd met het voorstel van de Minister van Onderwijs, Wetenschap, Cultuur en Sport (OWCS) van 12 mei 2025 over het sluiten van een beheersovereenkomst met Asosiashon Paso Fino Kòrsou (Aspafiko).In deze overeenkomst zijn afspraken vastgelegd over het beheer, onderhoud en gebruik van een stuk grond te Sapaté voor sport- en recreatieactiviteiten.
De Ministers van OWCS en Verkeer, Vervoer en Ruimtelijke Planning (VVRP) zijn gemachtigd om namens het Land Curaçao deze overeenkomst te ondertekenen. Ook is afgesproken om het bijbehorende concept-landsbesluit ter ondertekening aan te bieden aan de Gouverneur.
4. Voorstel voor onderlinge regeling over het valutateken van de Caribische gulden (Minister van Financiën)
De Raad van Ministers heeft ingestemd met de inhoud van de voorgestelde regeling tussen Curaçao en Sint Maarten over het valutateken van de Caribische gulden. Deze zogenoemde onderlinge regeling is gebaseerd op artikel 38, eerste lid, van het Statuut voor het Koninkrijk der Nederlanden. Het besluit is genomen op basis van het voorstel van de Minister van Financiën a.i. van 9 mei 2025 en het advies van de waarnemend Directeur Wetgeving en Juridische Zaken van 27 maart 2025.
5. Voorstel tot wijziging van de Regeling Vakantie en Vrijstelling van Dienst voor ambtenaren vanwege verhoging van de vakantie-uitkering (Minister van Bestuur, Planning en Dienstverlening)
De Raad van Ministers neemt kennis van de eerder genomen raadsbeslissing van 14 mei 2025 en besluit:
- akkoord te gaan met het voorleggen van de concept-landsverordening tot wijziging van de Regeling Vakantie en Vrijstelling van Dienst voor ambtenaren (verhoging vakantie-uitkering) door de Minister van Bestuur, Planning en Dienstverlening aan het Centraal Georganiseerd Overleg in Ambtenarenzaken (CGOA) ter bespreking;
- akkoord te gaan om in juni 2025 geen 8% vakantiegeld uit te betalen, tenzij hiervoor een wettelijke basis bestaat.
Dit besluit is genomen conform het voorstel van de Minister van Bestuur, Planning en Dienstverlening van 13 mei 2025 en het advies van de Directeur Wetgeving en Juridische Zaken van 8 mei 2025.
6. Advies over het nader rapport Omnibus-Sanctiebesluit Curaçao (Minister van Algemene Zaken)
De Raad van Ministers heeft besloten akkoord te gaan met de vastlegging van de eerder genomen raadsbeslissing van 19 mei 2025. Deze beslissing betreft het goedkeuren van het nader rapport en het ontwerp-landsbesluit met algemene maatregelen. Deze maatregelen worden uitgevoerd volgens artikel 2 van de Rijkssanctiewet en artikelen 2 en 5 van de Sanctielandsverordening, ook wel het Omnibus-Sanctiebesluit Curaçao genoemd.
Het ontwerp-landsbesluit wordt aangeboden aan de Gouverneur voor vaststelling. Dit besluit is genomen op basis van het advies van 8 mei 2025 van de Directeur Wetgeving en Juridische Zaken en het verzoek van 21 mei 2025 van de Minister van Algemene Zaken.
7. Advies over ontwerp-landsbesluit voor benoeming toezichthouders volgens artikel 11, eerste lid, van de Sanctielandsverordening (Minister van Algemene Zaken)
De Raad van Ministers stemt in met het ontwerp-landsbesluit voor de benoeming van toezichthouders volgens artikel 11, eerste lid, van de Sanctielandsverordening. Dit ontwerp wordt aan de Gouverneur aangeboden voor vaststelling. Dit besluit is genomen op basis van het advies van de Directeur Wetgeving en Juridische Zaken van 8 mei 2025 en het voorstel van de Minister van Algemene Zaken van 21 mei 2025.