Evento di selebrashon Melodia di Memoria di Yuyu i desvelo di pintura di e tres músikonan i Baluarte qepd: Yuyu, Henky i Didi.

Fundashon Sentro di Bario Soto
Presidente
Sra. Anamarie Cijntje
Presente
Tópiko:
Evento di selebrashon Melodia di Memoria di Yuyu i desvelo di pintura di e tres músikonan i
Baluarte qepd: Yuyu, Henky i Didi.
Apresiábel lesadó pa medio di e komunikado aki direktiva di Fundashon Sentro di Bario Soto ta aserká
ku e siguiente partisipashon i tambe invitashon.
Dia 1 yüni proksimo ta bai tin selebrashon i desvelo di pintura pa tres músiko qepd Yuyu, Henky i Didi
na Fundashon Sentro di bario Soto. Den presensia di Minister president, famianan, konosí i demás
invitado i pueblo di Kòrsou, nos ta rekordá tres músiko ku a nifiká hopi pa nos Païs. Farándula sigur ta
keda sinti falta di e tres Baluarte nan aki. E evento ta dediká na e legendario musikal: Sr. Yuyu Djaoen.
Sr. Yuyu Djaoen ta un figura legendario den nos kultura. Maske e evento ta un tributo na Yuyu
Djaoen, tambe ta un momentu di reflekshon, riba e bida di Henky Djaoen i Didi Ricardo,
respektivamente ruman i sua di Yuyu, ku tambe tabata gran músikonan di Banda Bou for di chikί. Sr.
Yuyu Djaoen tabata un penshonado ku a traha kasi 40 aña na Kodela/Aqualectra.
E komishon: Melodia na memoria di Yuyu, a pensa pa konstruí un muraya na memoria di e músikonan ariba
menshoná. Esaki den kolaborashon estrecho ku Fundashon Sentro di Bario Soto, Fundashon VIBA i tambe
ministerio di OWCS (spònsernan). Esaki sigur ta un símbolo di enkurashamentu pa otronan sigui e
pasonan den músika i asina engrandesé músika i kultura di Kòrsou.
Di antemano masha danki pa bo presensia na e evento ‘Melodia di Memoria di Yuyu’.
Sperando di a informá suficiente, Mi ta termina.
Atentamente,
Fundashon Sentro di Bario Soto SBS
Señora. Anamarie Cijntje
Presidente
Cel:+5999 512 7948
MCB: 33059307 (kuenta di Fundashon Sentro di Bario Soto)
Email:sentrobariosoto1@hotmail.com