PROMÉ “TROMBONE CHALLENGE” DJAWEPS DIA 23 DI DESÈMBER DEN SAMBIL

 

PROMÉ “TROMBONE CHALLENGE”

DJAWEPS DIA 23 DI DESÈMBER DEN SAMBIL

WILLEMSTAD – Despues di 5 siman di preparashon, e momentu a yega pa Kòrsou bai marka historia, ora ku pa di promé biaha logra na pone riba mas ku 20 trombonista huntu ku lo bai hasi músika.

Manera konosí, un sinku siman pasá, bou di direkshon di Hector Sampson a kuminsá e ensayonan relashoná ku  e Trombone Challenge aki. Despues ku positivamente no ménos ku 36 trombonista a inskribí, na final riba 20 ta logra partisipá na e evento aki ku lo ta djaweps awor.

E ensayonan a tuma lugá durante 5 siman tur djadumingu di 2 or pa 4 or den Curaçao Festival Center. E sekshonnan aki tabata di gran inspirashon pa esnan ku a akudí i si mira kon nan tabata 5 siman pasa i kon nan ta awe, e ta un diferensha grandi.

E trombonistanan kada unu a keda motivá pa no solamente nan train, pero siña konosé nan instrumènt i dominá esaki muchu mas mihó. Awe nos ta asina leu ku pa djaweps awor nan lo bai toka algun kansion huntu.

Ta trata aki di 3 kansion ku lo keda interpretá pa e mas ku 20 trombonistanan lokal aki.  Ta trata di dos kansion pa e temporada di Pasku i unu di The Squid Games. Pues un programa hopi kòrtiku.

Un invitashon ta bai na un i tur ku ta deseá pa wak  e Challenge aki, pa nan akudí libremente na Conference Room na Sambil ( Esaki ta pasa Cinemark na man drechi bayendo pabou). Komo ku e lo bai ta den un sala, lo eksihí QR Code na e entrada. Esaki lo ta na enkargo di un personal di T Experience.  Un danki ta bai na AMAK, WESU i SAMBIL ku a hasi e evento aki bira un realidat.

E programa lo kuminsá eksaktamente 7 or i entrada lo ta grátis. Un apelashon ta bai na esnan ku ke wak esaki, pa nan yega na tempu.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: