Ministerie van Onderwijs, Wetenschap, Cultuur & Sport Konmemorashon di 30 di Mei, Un Dia di reflekshon
Ministerie van Onderwijs, Wetenschap, Cultuur & Sport
Konmemorashon di 30 di Mei, Un Dia di reflekshon
Ministerio di Enseñansa, Siensia, Kultura i Deporte, manera tur aña, a konmemorá ku honor i dignidat e evento históriko di 30 di mei 1969 – un fecha ku ta simbolisá e lucha i sakrifisio di nos trahadónan pa un futuro mas hustu.
E aktividat a kuminsá ku un karavana ku a pasa promé e busto di Sr. Wilson “Papa” Godett na Postkantor, Punda. A sigui ku pone krans.
Despues Monumento na Kaya Geraldina-Gutierrez – e mesun lugá kaminda e wèlga grandi a kulminá i dos trahadó, Orlando Geraldina i Manuel Gutierrez, a pèrdè nan bida. Krans na Groot kwartier graf di Sr. Manuel Gutierrez, krans na graf di Srs. Amador Nita i Orlando Geraldina.
E dia a sigui ku un seremonia ofisial den e edifisio di PWFC, kaminda tabatin palabra inpaktante di:
Representantenan di famianan di e defuntunan: Amador Nita, Manuel Gutierrez, Stanley Brown i Wilson Papa Godett, Sra. Dayanara Chin-A-Lien Roozendal – Minister di Desaroyo Sosial, Labor i Bienestar.
E evento a wòrdu enrikesé ku presentashon di kanto, músika i poesia – un homenahe digno i sensibel pa e lucha di pueblo. Tema di e aña aki: “E Derechi di Trahadó – Lucha i Logronan”
Un tema ku ta sigui inspirá nos pa kontinuá defendé derechinan di trabou ku respekto, dignidat i union.