Kaso di tiramentu ku morto

KUERPO POLISIAL KÒRSOU
KOMUNIKADO DI PRENSA 222/2025
5 yüni 2025
Kaso di tiramentu ku morto
Djaweps 5 di yüni 2025 alrededor di 14.48’or, Sentral di Polis a risibí informashon ku tin un
kaso di tiramentu ku a tuma lugá den Kaya Meteorológiko i tin un persona gravemente
heridá.
Segun investigashon di e promé unidat na e sitio a sali na kla ku e hòmber víktima tabata
sinta komo okupante den un outo na momentu ku ela keda alkansá pa tirunan for di arma
di kandela.
E hòmber a risibí heridanan di bala na e parti ariba di su kurpa i siendo den e vehíkulo, el a
bai buska yudansa na un kas den Kaya Yobida.
Ambulans a yega rápido na e sitio, pero no por a hasi nada mas pa e víktima.
Dòkter di polis a konstatá morto di Sharistone Jonathan C. Melfor Benito nasé dia 26 di
desèmber 2005 na Kòrsou.
Na e sitio na unda e tiramentu a tuma lugá, polis a konfiská algun kashi di bala i algun
artíkulo ku ta importante pa e investigashon.
E vehíkulo den kua e víktima tabata, a wòrdu konfiská pa mas investigashon.
Riba òrdu di fiskal di Ministerio Públiko a konfiská e kurpa pa mas investigasho

