Minister Sithree “Cey” van Heydoorn [Termino Final SBO]

Awe mi a haña presentashon i entregá di e termino final revisá i renobá pa estudionan den sektor di Salú i Bienestar, Hospitalidat i Panaderia.

Termino Final (eindtermen) ta ophetivonan konkreto ku un studiante mester dominá na final di un kurso. Nan ta deskribí kiko un studiante mester sa i por hasi pa e por finalisá un estudio i pa por funshoná ku éksito den práktika òf pa progresá pa un siguiente estudio.

Mi ta hopi kontentu ku e resultado aki i ta agradesido na tur ku a aportá na esaki! Esaki ta un paso importante pa enseñansa profeshonal sekundario (SBO) na Kòrsou. Nan ta trese mas struktura, ta hisa kalidat di enseñansa i ta kontribuí na un mihó konekshon ku práktika. Asina studiantennan ta haña mas oportunidat riba merkado laboral i dunadónan di trabou ta haña studiantenan mihó prepará.

Pronto lo kuminsá un kampaña di informashon pa hasi e trayekto aki mas konosí. Miéntras tantu, nos ta sigui traha riba termino final pa tur e otro estudionan.