Miss Teenage Curacao 2024/2025 Thalina Gil, huntu ku su prome finalista Angelly Virginia i su di dos finalista Melysa Pengel.
Thalina Gil ta kla pa bai marka historia na Teen Universe 2026 na Nicaragua
Willemstad- Queen Making Queens Organization a koroná Thalina Gil komo Miss Teenage Curaçao 2024/2025 den luna di mei último. Komo e ganador máksimo di e sertamen, Thalina Gil a gana e derechonan pa bai representá QMQ Organization i hinter pueblo di Kòrsou den e sertamen di hóben di mas importante mundialmente, kua ta Miss Teen Universe, di seňor Alexander Montiel.
Miss Teen Universe 2026 lo tuma luga den luna di febrüari 2026 na Nicaragua, kaminda e sertamen ta selebrá su di 15 edishon en grande.
Tin masha hopi espektativa pa e show aki, mirando ku ta 15 aña konsekutivo kumpliendo soño di hopi hóben rònt mundu. Miss Teen Universe ta un sertamen ku un partisipashon hopi grandi. Den e sertamen aki tin tres kategoria, kual ta Pre-teen, Teen Petite i Teen Universe. Den kada kategoria tin mas ku 22 pais kompitiendo i ta trese un show ku mas di 65 pais riba un esenario grandi. Ta un honor pa mira nòmber di nos pais lusi riba e esenario spesifiko aki.
QMQ Organization i su direktor internashonal Ayanette Statia a sa di traha duru e último 2 aña pa demostrá e organisashon internashonal ku Kòrsou meresé ta riba e esenario aki i forma parti di e gran famia di Miss Teen Universe.
Pa e edishon aki, Thalina Gil lo ta Kòrsou su di tres representante ku ta haña e oportunidat pa forma parti di e frankisia aki. QMQ Organization no tin ningun duda ku Thalina lo sa di hasi un ekselente trabou pa nos.
Thalina Gil ta un hóben dama di 16 aña ku a kaba di tèrmina su estudio ku éksito na Marnix Cas Cora. Tabata un reto grandi pa kombiná e sertamen i su éksamen pero Thalina a demostrá di ta un hóben ehemplar i a logra éksito den su metanan ku e la proponé. Awor, e meta ta pa sigui studia i tambe logra trese e korona internashonal Kòrsou. Mas ku tur kos, Thalina ta kla pa laga Kòrsou su nòmber zona i demostrá ku nos ta un isla chikitu pero riku na hóbennan talentoso.
Apesar ku e sertamen ta te otro aña ku Dios ke, ya Thalina ta den preparashon intensivo pa no desperdisia e temporada largu ku e tin pa prepara su mes na un nivel haltu.
Pueblo di Kòrsou i tur amante di e mundu di beyesa por sigui e trayektoria di Thalina via e paginanan sosial di QMQ Organization su facebook i instagram. Durante e próksimo lunanan, nos lo sigui kompartí e desaroyo di Thalina Gil. Ban sostené nos Thalina Gil engrande pa mundu sinti e forsa dushi di Kòrsou.
Angelly Virginia, promé finalista di Miss Teenage Curaçao rumbo pa Baranquilla, Colombia pa representá Kòrsou na e sertámen internashonal Miss Teen Charm 2025.
Willemstad – Durante e éksitoso sertámen final di Miss Teenage Curaçao 2024/2025 organisá pa QMQ Organization 29 di mei último, Angelly Virginia a resultá promé finalista i a gana e derecho pa representá nos na un di e sertámen mas grandi pa hóben internashonal, kua ta Miss Teen Charm 2025.
Angelly Virginia, un hóben di 16 aña di edat, studiante di Maria Immaculata Lyceum, Havo 3 ta sigui den full preparashon despues di e sertámen lokal i awor enfoka pa bai representá Kòrsou na un sertámen magno internashonal. Preparashonnan intensivo guiá dor di e profeshonalnan di QMQ Organization a kuminsá inmediato despues di e sertamen i lo ta intensivo durante e próksimo 3 lunanan. Angelly lo keda prepare riba su aparensia fisiko, desaroyo pèrsonal, pasarela, postura, komunikashon, media sosial i hopi mas.
Miss Teen Charm International ta un sertamen pa hóben di un nivel haltu i di prestigisio kompará ku otro sertamen nan ku Kòrsou a kustumbrá na partisipá na dje. E aňa aki e magno evento di beyesa, ta selebra su di 5 edishon i lo ta un biaha mas na Baranquilla, Colombia.
E organisadó nan ta primimití un biaha mas, di prepara pa presenta un show na nivel haltu, kaminda tur partisipante por disfrutá pero tambe demostrá nan abilidat nan di e preparashonnan risibí i bende e kultura i tursimo di nan pais.
Baranquilla ta konosí pa su karnaval ku ta kontagiá tur hende. Aparte di esaki e ta keda konsiderá komo un pais di goso i alegria.
Tur presente na e magno evento aki tin ku prepará pa biba un eksperiensha di glamur, talento i dibertishon.
Fecha di sertamen lo ta di 25 pa 31 di òktober 2025.
Durante simannan tur amante di e mundu di beyesa I siguido nan lo sigui haňa informahsonnan importante, relashoná ku e sertamen aki i e preparashon di Angelly. QMQ Organization ke invitá tur amante di e mundu di beyesa i siguidonan pa sigui e paginanan sosial ofisial di QMQ Organization i tambe Miss Teen Charm Curaçao riba instagram i facebook, pa biba di aserka e trayektoria di Angelly i kompané den e eksperensia inolvidabel.
Melysa Pengel ta Kòrsou su promé representante na Miss Teen Caribe Universo 2025
Willemstad- Queen Making Queens organization ta kla i enthousiasmá pa mira nòmber di Kòrsou riba esenario di e sertamen internashonal Miss Teen Caribe Universo.
Melysa Pengel, un hóben di 19 aña di edat, tèrminando ku su estudio di enfermeria na instituto di Enfermeria na Kòrsou, a result nos di dos finalista di Miss Teenage Curaçao 2024/2025 den luna di mei último, kaminda e la gana e derecho pa representá nos na e sertamen aki.
Durante e sertamen lokal, ya Melysa a risibí e preparashonnan básiko ku sigur a yudé presentá na un nivel haltu. Awor lo sigui ku e preparashonnan pa e parti internashonal, serka diferente profeshonalnan di QMQ Organization.
Miss Teen Caribe Universo ta selebrá su di dos edishon ku ta primintí di bira un espektakulo di nivel haltu, manera otro frankisianan ku QMQ Organization a kustumbra di traha kune. Ya nos a risibi tur detaye di e sertamen i Melysa lo tin diferente aktividatnan durante e siman di e kompetensia. Lo tin diferente sekshon di fotografia, ensayonan pa e show final, kòmbersashon ku hurado i tambe interkambio di regalonan. Tambe Melysa lo mester diferente trahenan spesial, entre otro un trahe nashonal di nos pais.
E sertamen lo tuma luga di 7 pa 12 di òktober na Punta Cana, Republika Dominicana i lo tin dos kategoria den kompetensia. Lo tin e kategoria di Teen i tambe di Miss ku ta e damanan 20 aña bai ariba. Den kada kategoria lo tin mas ku 12 partisipante pa asina garantisá un eksperensia i nivel haltu.
Melysa ta den preparashon, ku ta intensivando pa asina e por representa nos dignamente i trese e korona aki kas.
Den e próksimo 3 lunanan, QMQ Organization lo sigui informá i kompartí e preparashon di Melysa pa asina tur amante di e mundu di beyesa pero tambe tur yu di Kòrsou por sigui e trayektoria di Melysa i ban sostené masal.
Por sigui tur QMQ Organization su páginanan ofisial via facebook i instagram i tambe e página di Miss Teen Caribe Universo Curaçao riba instagram.
