EL BRAVO DE LA SALSA COLOMBIANA DIEGO MORAN DEN UN SHOW NA KORSOU DEN CLUB LIV

 EL BRAVO DE LA SALSA COLOMBIANA DIEGO MORAN

DEN UN SHOW NA KORSOU DEN CLUB LIV

 

WILLEMSTAD —  Djasabra dia 5 di novèmber awor, Kòrsou lo ta di fiesta, ora ku  El Bravo de la Salsa Colombiana, Diego Moran lo ta riba nos Isla pa un solo i úniko presentashon, den Club LIV na Saliña.

Diego Moran, interpreté di entre otro kansionnan manera “Sobredosis de Amor”, “La Rebelion” i varios otro kansion, lo ta aki na Kòrsou den un presentashon ku akompañamentu musikal di nos mes hendenan lokal di Curacao Banda Show bou di direkshon Musikal di Maestro Enrico Henriquez.

“Vamonos” Nr. 6 riba Top 15 na Mexico

Diego Moran, resientemente a graba un single ku Curacao Banda Show, titulá “Vamonos”, kuan kansion na e momentunan aki te ku siman pasá tabata rankiá na number 6 riba e Top 15 di  Los Trojerísimas de la Semana na Mexico. Pues un kansion diun agrupashon musikal di Kòrsou i un kantante Colombiano, riba Tòp Musikal na Mexico.

Diego Moran na Kòrsou

Tur kos ta kla pa djasabra dia 5 di novèmber 2022, Diego Moran hasi su presentashon aki na Kòrsou den Club LIV den Saliña. Ya kaba Curacao Banda Show reforsá ta den full ensayo i ta garantisá un akompañamentu musikal na nivel. Lo tin salsa mas salsa i tambe kumbia Colombiano.

Curacao Banda Show den preshow

E preshow lo ta den man di Curacao Banda Show original, ku tambe a bin ta prepará serio pa e evento aki. E kantantenan Daina, Jose Villasmil i Henry lo tin merengue, salsa i otro ritmonan latino na nan enkargo.

Karchi di entrada

Entrada  pa e evento aki ku ta kuminsá 9 or ku DJ, siguí pa e pre-show di Curacao Banda Show i despues Diego Moran, ta solamente 35 florin. Tin un sekshon di V.I.P. ku ta kosta 500 florin pa 6 pèrsona mas un bòter di bebida primium.

Club LIV ta un diskoteka nobo aki na Kòrsou ku ta keda kaminda ántes tabata e sede di Vishon, banda di Rodriguez Music, schuin dilanti Auto City na Saliña. E kompleho ta bunita, moderno i kla pa risibí tur hende lokal i latinonan na e aktividat aki.

Pues reservá 5 di novèmber awor pa bo eksperiensia úniko di El bravo de la Salsa Colombiana Diego Moran i Curacao Banda Show den Club LIV.   Pa reservashon di karchi, por tuma kontakto na +59996962308.

A gozar salsa con Diego Moran i Curacao Banda Show dia 5 di novèmber awó den Club LIV den Saliña.

Potrèt:

Diego Moran

Dianina, Pipo i Enrico di Curacao Banda Show

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: