2 bùs dental nobo na kaminda / 2 nieuwe tandartsbussen op komst


2 bùs dental nobo na kaminda
Minister Javier Silvania, responsabel pa Salubridat Públiko, Medio Ambiente i Naturalesa, a firma un kontrato ku un kompania di bùs na Brazil pa kompra di 2 bùs dental nobo pa Kòrsou. E kompra aki ta nifiká un ampliashon I modernisashon total di e programa dental “Pendiente di Bo Djente”. Aktualmente tin 1 bùs dental na Kòrsou, I pronto lo bini 2 mas. Di e manera aki, e ministerio I su Minister ta sigui stimulá salú dental di e poblashon di Kòrsou na un manera duradero.
E programa “Pendiente di Bo Djente” tin komo meta pa mehorá salú dental na Kòrsou na un manera duradero i aksesibel. E ta enfoká pa ofresé kuido dental preventivo i kurativo na muchanan di skol, habitantenan di bario i habitantenan di institutonan di kuido ku tin difikultat pa atkerí e tipo di kuido aki. Pa medio di e programa aki e ministerio ke kontribuí na un komunidat mas salú i alabes mehorá e konosementu di higiena dental.
Despues di e un proseso ofishal, e kompania Brazilero Marcopolo a keda skohé komo esun mas kalifiká pa produsí e bùsnan aki. Na Kòrsou nos tin bon eksperensha ku bùsnan di e kompania aki, ya komo ku varios konvoi riba nos kareteranan di ABC Bùsbedrijf ta bini di nan. Meskos ku riba e bùs aktual, Dynaf lo instalá baterianan duradero pa proveé e bùsnan nobo ku sufisiente energia pa ofresé e kuido nesesario sin interupshon.
Aparte di ekiponan moderno, lo tin dos higienista dental i un asistente presente pa traha riba e bùs. Tambe lo bai traha pa bini ku dentistanan na bordo. E bùs aktual ta ofresé kòntròl di djente i limpiesa. Riba e bùsnan nobo lo tin e posibilidat pa yena buraku den djente tambe. Pa tratamentunan dental mas kompleho, klientenan lo risibí un karta di referensia pa un dentista.
Segun planifikashon, e bùsnan lo yega Kòrsou pa mas tardá komienso di 2026. E intenshon ta pa e bùsnan wordu repartí riba Kòrsou. Durante dianan di siman, nan lo para parti mainta na skolnan, I parti mèrdia den bario, institutonan di kuido of lokalidatnan públiko. E lokalidat eksakto lo keda publiká via medionan sosial. Tur hende ta bon biní. Ku kompra di e bùsnan dental nobo, Minister di Salubridat Públiko, Medio Ambiente i Naturalesa ta enfatisá e importansha di kuido dental pa nos komunidat.
2 nieuwe tandartsbussen op komst
Minister Javier Silvania, verantwoordelijk voor Gezondheid, Milieu en Natuur, heeft een contract ondertekend met een Braziliaanse busfabrikant voor de levering van twee nieuwe tandartsbussen voor Curaçao. Deze uitbreiding vormt een belangrijke stap in de modernisering van het tandheelkundige programma “Pendiente di bo Djente”. Momenteel rijdt er één tandartsbus op het eiland, en binnenkort zullen daar twee moderne exemplaren aan worden toegevoegd. Hiermee blijft het ministerie op duurzame wijze investeren in de mondgezondheid van de bevolking.
Het programma “Pendiente di bo Djente” richt zich op het verbeteren van de tandheelkundige zorg op Curaçao, met nadruk op duurzaamheid en toegankelijkheid. De focus ligt op preventieve en curatieve zorg voor schoolkinderen, wijkbewoners en ouderen in zorginstellingen, voor wie reguliere toegang tot tandheelkunde vaak beperkt is. Het programma draagt bij aan een gezondere samenleving en vergroot daarnaast het bewustzijn over mondhygiëne.
Na een openbare aanbestedingsprocedure is het Braziliaanse bedrijf Marcopolo geselecteerd als leverancier van de nieuwe bussen. Het ABC Busbedrijf Curaçao werkt al jaren succesvol met bussen van dit merk, die ook in het openbaar vervoer op Curaçao worden gebruikt. Voor de energievoorziening zal Dynaf opnieuw duurzame batterijsystemen installeren, zoals ook in de huidige bus is gebeurd. Dit garandeert een betrouwbare, milieuvriendelijke dienstverlening.
De nieuwe bussen worden uitgerust met moderne apparatuur en zullen bemand worden door twee mondhygiënisten en een assistent. Het ministerie streeft ernaar om ook tandartsen aan het project te verbinden. Waar de bestaande bus vooral controles en gebitsreiniging biedt, zullen de nieuwe bussen ook eenvoudige behandelingen zoals het vullen van gaatjes kunnen uitvoeren. Voor complexere ingrepen krijgen cliënten een verwijzing naar een tandartspraktijk.
Volgens de planning arriveren de nieuwe tandartsbussen begin 2026 op Curaçao. Ze zullen verspreid over het eiland worden ingezet: ’s ochtends bij scholen en ’s middags in wijken, zorginstellingen of op openbare locaties. De exacte standplaatsen worden via sociale media bekendgemaakt. Iedereen is welkom voor een bezoek.
Met de komst van deze nieuwe tandartsbussen onderstreept de minister het belang van goede mondzorg als essentieel onderdeel van de volksgezondheid op Curaçao.
