Simposio: Stop abuso contra adulto mayor
Simposio: Stop abuso contra adulto mayor
ORANJESTAD – Dia 15 di juni, Nacionnan Uni ta conmemora Dia Internacional di Conscientisacion di abuso contra adulto mayor. E meta principal di e fecha aki ta pa trece mas conscientisacion mundialmente tocante diferente sorto di abuso cu un adulto mayor por pasa den.
Directie Ouderenzaken, DOZ, cu ta encarga cu asuntonan relaciona cu nos adultonan mayor ta hay’e sumamente importante pa trece conscientacion riba tema aki. Pa e motibo aki DOZ ta organisa un simposio titula: “Stop abuso contra adulto mayor.”
E simposio lo tuma lugar diabierna 27 di juni 2025 for di 8:30 di mainta pa 1:00 di merdia na Gloria Aruba (The movies) situa na Caya Dr. J.E.M. Arends. Entrada ta completamente gratis.
Durante e simposio lo tin presentacion informativo tocante diferente forma di abuso. E siguiente personanan lo duna un presentacion:
- Sra. Antoniette Geerman, psycologo, Psyched Aruba
- Sra. Hilde Rodriguez-Taekema, notario (pensiona)
- Sra. Janine Rodriguez, trahado social, Bureau Slachtofferhulp
- Sra. Sulima Geerman, directeur SABA
- Sra. Mahalia Castillejo, case manager, Centro di Memoria
- Stichting Mantelzorgers
Pa participa na e simposio aki, por manda un e-mail na info@doz.aw of por tuma contacto cu Directie Ouderenzaken na 280-5004, durante ora di oficina.
Pa mas informacion like nos pagina di Facebook Directie Ouderenzaken y/of follow nos riba Instagram directieouderenzaken.
Simposio: Stop abuso contra adulto mayor
