Komunikado di Hunta di Komisario tokante salida di dr. José Jardim komo Direktor Finansiero Ekonómiko entrante 30 di yüni 2025

Komunikado di Hunta di Komisario tokante salida di dr. José Jardim
komo Direktor Finansiero Ekonómiko entrante 30 di yüni 2025

Willemstad/Philipsburg — Sr. dr. José Jardim lo entregá su funshon komo Direktor Finansiero
Ekonómiko di Centrale Bank van Curaçao en Sint Maarten (CBCS) entrante 30 di yüni 2025.
Sr. Jardim lo sigui su karera den sektor privá, kaminda e lo enkabesá un banko komersial. Esaki ta un kapítulo nobo den Sr. Jardim su karera, despues di su añanan na CBCS. Den e periodo ei, el a manehá vários dossier kompleho den su ròl komo miembro di Hunta di Maneho di CBCS.
Den e último lunanan, a traha den konsulta estrecho ku Sr. Jardim pa regla tur detaye di su salida for di servisio. Den e kuadro ei, a palabrá ku Sr. Jardim ku e lo no ta envolví aktivamente mas ku trabou den CBCS i e institutonan bou di supervishon di CBCS. Últimamente, e tabata envolví solamente ku traspaso di e dossiernan pendiente.
Hunta di Komisario a fiha e puntonan di salida ku lo konta pa e proseso di reklutamentu ku mester hiba na nombramentu di un direktor finansiero ekonómiko nobo. Mirando ku ta trata akí di un funshon di peso, e proseso akí lo tuma lugá ku e debido diligensia i kuidou.
Entretantu, Presidente di CBCS, Sr. R. Doornbosch, i Direktor-Sekretario, Sra. L. Matroos-Lasten ta remplasá Sr. Jardim den su funshonnan.
Hunta di Komisario ta yama danki na Sr. Jardim pa su dedikashon i kontribushon na CBCS den e añanan tras di lomba i ta dese’é tur klase di éksito den kontinuashon di su karera profeshonal.
Willemstad, 27 di yüni 2025
CENTRALE BANK VAN CURAÇAO EN SINT