KOMUNIKADO DI PRENSA 267/2025
30 yüni 2025

Detenshon relashoná ku violensia relashonal i menasa ku kuchú

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 30 di yüni 2025 alrededor di 13.45’or, Sentral di polis a dirigí un unidat polisial pa un kas na Ronde Klip pa un kaso di violensia relashonal i menasa ku kuchú.
For di investigashon ku polis a hasi na e sitio a sali na kla ku despues di un pleitamentu
entre pareha, e hòmber a maltratá e dama i menas’é ku un kuchú.
Na e sitio polis a detené e hòmber G.N.H. di 55 aña di edat nasé na Jamaica, relashoná ku e kaso ariba menshoná.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.