Minister di Tráfiko, Transporte i Planifikashon Urbano sr. Charles Cooper, tabata presente den un enkuentro den sala di Parlamento relashoná ku un “Ora di pregunta”.
Djaweps 26 di yüni 2025, Minister di Tráfiko, Transporte i Planifikashon Urbano sr. Charles Cooper, tabata presente den un enkuentro den sala di Parlamento relashoná ku un “Ora di pregunta”. Riba petishon di miembro di Parlamento, sr. Gilbert Doran, minister Cooper a kontestá preguntanan relashoná ku “Mal servisio di FLOW”.
Despues di e kontestanan, sr. Doran komo petishonario a haña 2 minüt pa reakshoná i hasi pregunta adishonal riba e kontestanan di minister Cooper. Despues diferente Miembro di Parlamento a hasi uso dje oportunidat pa hasi pregunta adishonal, ku seguidamente minister Cooper a kontestá promé ku Presidente di Parlamento sr. Fergino Brownbill a sera e enkuentro.