Presentashon tékniko enkuanto “Ontwerplandsverordening houdende regels inzake het toezicht op betaaldienstverleners (Landverordening toezicht betaaldienstverleners) (Zittingsjaar 2024-2025-239).

Djaweps 26 di yüni 2025, Komishon Sentral di Parlamento a reuní riba “Ontwerplandsverordening houdende regels inzake het toezicht op betaaldienstverleners” ku Departamento di Lei i Hurídiko (WJZ) i Banko Sentral di Kòrsou i Sint Maarten.

Pa e reunion aki, ku a keda yamá riba petishon di Miembronan di Parlamento sra. Suzanne Camelia-Ròmer, sra. Giselle Mc William, sra. Ruthmilda Larmonie-Cecilia i sr. Ruisandro Cijntje, Miembronan a haña e oportunidat di hasi pregunta den un tanda di 10 minüt na kada instansia.

Departamento di Lei i Hurídiko (WJZ) no tabatin un presentashon, Miembronan por a hasi pregunta, di kual un Miembro a hasi pregunta, ku e representante di e departamento a kontestá mesora. Despues a sigui ku un presentashon di Banko Sentral di Kòrsou i Sint Maarten, siguí pa preguntanan di diferente Miembro di Parlamento.

Seguidamente Komishon Sentral a sigui ku tratamentu di punto 2 “Proposishon di biahe pa partisipá na e di 36 kongreso di InterExpo ‘Vijftien jaar na 10 10 10’ ku lo tuma lugá na Nieuwspoort, Den Haag di 9 te ku 11 di desèmber 2025” i punto 3. Proposishon pa trabounan di Parlamento pendiente di e periodo 2021 – 2025 (art. 116 RvO). Parlamento a bai di akuerdo ku ámbos proposishon.

Na final Presidente di Parlamento sr. Fergino Brownbill a skòrs e reunion te un próksimo aviso, pa duna Banko Sentral di Kòrsou i Sint Maarten espasio pa formulá nan kontestanan. Alabes lo sigui ku tratamentu di e tópiko aki ku Curaçao Fintech Association i Curaçao Bankers Association, riba e fecha ku lo keda anunsiá.