Supuesto biyete falsu di Cg 20

WILLEMSTAD/PHILIPSBURG — Centrale Bank van Curaçao en Sint Maarten (CBCS) ta na altura
di rumor resien tokante supuesto biyete falsu di florin karibense ku lo ta den sirkulashon,
spesífikamente biyete di Cg 20. Te na e momentonan akí, CBCS ni polis no a risibí ningun
ehemplar di e biyetenan en kuestion. Debí na esaki, nos no tabatin oportunidat ainda pa analisá
e biyetenan i no por konfirmá ku ta trata aki di biyete falsifiká.
Tin ku enfatisá ku e biyetenan di florin karibense ku CBCS a emití tin karakterístika avansá di
outentisidat ku ta sumamente difísil pa imitá. Esei ta pone ku ta masha difísil pa falsifiká e biyetenan
akí.
Maske e chèns ta chikí ku biyete falsu di florin karibense lo logra drenta den sirkulashon ku éksito,
nos ta hasi un yamada na públiko pa keda alerta i bon informá tokante e karakterístikanan di
outentisidat di e biyetenan di florin karibense. Si bo ta sospechá ku un biyete ku bo a risibí ta falsu,
por fabor mèldu esei na polis òf na CBCS inmediatamente.
Pa mas informashon tokante e karakterístikanan di outentisidat di florin karibense, bai na
https://www.caribbean-guilder.com/banknotes-security-features òf baha e aplikashon My
Caribbean Guilder.

Willemstad, 5 di yüli 2025
CENTRALE BANK VAN CURAÇAO EN SINT MAARTEN