KUERPO POLISIAL KÒRSOU

KOMUNIKADO DI PRENSA

274/2025 9 yüli 2025

Detenshon relashoná ku kiebro den negoshi

Kontinuando ku investigashon relashoná ku un kaso di kiebro ku a tuma lugá den luna di aprel último den un negoshi riba Caracasbaaiweg, polis a hasi un detenshon mas.
Djárason 9 di yüli 2025 alrededor di 08.00’or, personal di Tim di Atrako konhuntamente ku Tim di Aresto a hasi detenshon di hòmber R.G.M. di 29 aña di edat nasé na Kòrsou.
Su detenshon a tuma lugá riba Weg naar Westpunt na altura di Juan Domingo. Despues di e detenshon a tene un entrada hudisial na Kaya Reis, na unda a konfiská artikulonan di importansia pa e investigashon.
A presentá e sospechoso dilanti di un fiskal ouksiliar, ku a ordená su enkarselamentu pendiente di mas investigashon.