E organisashon di Jongbloed ku 4 hoben den e selekshon Liga Soraida Juliana divishon Senior.
E organisashon di Jongbloed ku 4 hoben den e selekshon Liga Soraida Juliana divishon Senior.
Kiko ta un Cinderalla story? Ta un algu ku kisas nunka tabata parse di lo ta posibel, ku tog a bira posibel. Ku un final feliz. Jeadah Inocente di 16 anja, Chanelle van Heydoorn di 15 anja, Zarissa Doran di 16 anja i Nishantely Francees di 15 anja. 4 hoben. Kada un ku nan propio istoria. Kada un ku nan propio sonjo. Niun di nan a kere ku den un anja di tempu nan lo a subi avion, rumbo pa Puertoriko den representashon di nan Liga i isla den e Regional di Softball fastpitch femenino.
Bryan su vision ta masha simpel. Un palabra. Formashon. E softbol riba su mes ta pasando den e desafio di hanja hobenan ku ke hunga softball kompetitivo. Organsisashonan ta traha huntu ku otro pa asina yuda otro tog sera ekipo den e diferente divishonan i ten e kampeonato atraktivo i kompetitivo. A hasi uso di e regla ku ta permiti e divishon junior i Senior meskla ku otro. Di un banda pa evita ku ekiponan ta kai afo pa motibu di kantidat di hoben i di otro banda pa krea oportunidat pa hobenan por hunga e softbol. Elite ta traha den un alsiansa ku e ekipo di Sta. Rosa. E vision di Liga Soraida Juliana ta dirigi riba ankra kada ekipo den un bario. Elite Baseball & Softball Academy ta ankra den Jongbloed.
Elite ku ya tabata aktivo den baseball a amplia anja pasa ku softbal. A afilia na Liga Soraida Juliana. 95% di nan muchanan nunka a hunga softball ainda, nunka a bisti un wante. Pero loke e hobenan no tin nan experensia, nan tin na aktitud i motivashon. I ta riba e base ei Coach Bryan ku su team a traha, kapitalsia i forma un ekipo, ku ta kompetidor den tur sentido di palabra. I awe e hobenan mes ta kosecha di nan mes perseveransha i talento.
Jeadah ta un hoben ku ya pa 3 aña a fall in love ku Jongbloed. ‘Coach, nunka mi no a bula den un avion’. Bryan ku su team a sinta ku e hoben i nan a puntr’e: ‘bo ke subi un avion? Si bo keda skucha di nos, traha duru, nos ta yudabo subi e avion ei’. I e hoben no solamente a alkansa e pre-selekhson. E la kualfika p’e selekshon i ta den e avion rumbo pa Salinas Puertoriko. E la konfia su coachnan; ‘mi ta poko nervioso, per mi ta hopi kontentu’.
‘Chanelle ta un hoben ku a start prome aña serka nos (Jongbloed) debi ku Sta Rosa no tbt Junior/Senior e aña aki. Den kombersashon ku Sta Rosa nos a krea e oportunidat tog pa e hoben di 14 aña aki hunga su aña di Little League. Grandi tbt su sorpresa ora nos a apunta Chanelle pa PreSelekshon. Awe e ta miembro di Selekshon. Ela logra i ta hopi kontentu’.
Zarissa tabata pertenese na Sta Rosa, hunga 1 aña na Brievengat pasa despues pa Buenavista i tambe Domi. Debi ku Domi no a partisipa na Little League mas ela hasi petishon pa bini Jongbloed. Un hoben humilde ku un futuro briante den softball. Gusta train i semper hamber pa siña. Un hoben coachable ku por hunga tur 9 posishon. E ta ready sigur pa bai briya!
CLLS a apunta Nishantely Francees komo e reserve p’e selekshon e ta nifika ku si un hoben leshona i kai for di Selekshon, e lo tuma esaki su luga. Bryan su meta ta bai mas leu ku sinja e hobenan hunga softball. Serka Elita kada mucha ta un strea. Kada un tin potensial. Huntu ku su team nan ta traha pa laga e hoben maximalisa su potensial. E kuater hobenan aki lo duna tur di nan banda p’e selekshon prospera. E meta ta simpel. Williamsport!
Exito na nan tur.
Volgorde di potretnan
- Jeadah Inocente di 16 anja
- Chanelle van Heydoorn di 15 anja
- Zarissa Doran di 16 anja
- Nishantely Francees di 15 anja