“Di Sonjo pa Selektshon – Seis Hobenan, Un Meta: Triunfa Den Bida”

“Di Sonjo pa Selektshon – Seis Hobenan, Un Meta: Triunfa Den Bida”

Seis miembro di selekshon Senior Liga Soraida Juliana ta persegui e promesa di triunfo, no solamente den deporte, sino den bida. Seis hoben. Un mision.

Kiko e ta nifiká pa un hoben p’e ta parti di un selekshon? Pa e 6 hobenan, di robez pa drechi,  – Naeva Leito, Tzipporah Bloem, Jonél Alberto, Jahdriënne Mercera, Rilley-Ette Ignacio i Myriangely-Ginéphra Balentien – e ta un sonjo ku a bira realidat. Algun a mira e selekshon ku awe nan mes ta forma parte di dje, komo sonjo leu. Nan idolitra otronan ku a forma parti di selekshon. Ku a truinfa i yega Williamsport den representashon di nos isla. Di latino Amerika. I den silensio nan a fantasia, i kisas te asta anhela. I lokual ku kisas nan mes no a kere, coahcnan a mira den nan. I nan a pusha nan, i nan a traha duroe. I awe nan ta bisti ku oruoyo e kamiseta di selekshon. Awe nan a traspasa di henden ku tabata wak otro pa sigi nan ehempel, p’esun ku otro ta wak pa sigi nan ehempel. 

E instruccion di sra. Shianitza Manuela, presidente di Liga Soraida Juliana, ta klaro i profundo:  “Duna lo mihó di bo mes. Kada un. I huntu nos lo yega e mas haltu ku nos por.”
Sin preshon. Pero si ku obligashon di duna lo maximo. E enfoke no ta riba ganamentu. E ta riba traha huntu, riba sostene otro, riba funshona komo un ekipo. E titulo lo ta resultado di e enfoke. 

I segun sra, Manuela ta splika, nan mente ta dualu bai esnan ku ta nan idolo. Nan ta realisa ku nan ta skuchando mesun palabra ku esnan prome ku nan a tende.  Nan ta realsia ku nan a kana mesun kaminda ku nan idolo nan a kana. I nan ta realsia ku té aktitud a hiba e selekshon di Junior i Senior prome n’e titulo Regional i di einan pa  Williamsport.
Nan a hunga kontra paisnan i kontra Puertoriko. Nan a persevera. I nan a gana. Nos selekshonan ta inspira miedu. No paso tur biaha nos ta mas miho. Pero paso nan sa, ku pase loke pase, nos muchanan ta hunga ku kabei riba djente. Nos ta bringa te final.

E hobenan ku awe ta sinta pa skucha, a siña ku e selekshon no ta solamente un ekipo. Ta un trampolin. E ta porta pa un futuro ku por hiba nan leu den bida. E ta deporte i e aktitud den selekshon, ta fundeshi pa exito den ensejansa. E por resulta den den scholarship pa Merka. Hopi di esnan ku a pasa den man di nos coachnan a yega leu: Hulanda, Merka, Japon, Oropa, Latinoamérica – komo atletenan, profesonal, komo trahdor ehemplar den nos komunidat, komo mama di famia. Kada un architecto i lider di nan mes desaroyo. 

Mas ku un kampionato, e meta ta pa kada un demostrá ku nan ta digno di e uniform. Ku nan tin karakter i determinashon pa bira no solamente atleta, sino hende ku por enfrenta bida ku dignidat i valentia.

 E muchanan lo hospeda n’e fasilidatnan di Escuela Especializada en Deportes Eugenio Cruz Guerra. E torneo regional ta kuminsá diasabra 13 di Juli. Pero e trayecto di bida p’e hobenan a kuminsa un anja pasa.  I e no tin fin ainda.