Selekshon Liga Soraida Juliana divishon Senior ta gana 1, perde 1 den wega di fogeo na Salinas, Puertoriko.

Selekshon Liga Soraida Juliana divishon Senior ta gana 1, perde 1 den wega di fogeo na Salinas, Puertoriko.

E selekshon di CLLS  a hanja oportunidat pa sinti sabor di un Regional ora ku nan a aksepta invitashon di e selekshon di Guayama i Maunabe pa entre kambia den wega di fogeo prome ku e Regional kuminsa ofisal awe dialuna 14 juli 2025. Diabierne nos muchanan a buta Guayama un banda ku score di 13-10, pero diasabra nan a kai vensi kontra Maunabe ku score di 11-9.

E kambio di sede di Vrigin Island pa Puertoriko a trese desafio pa ku biahe di e selekshon. Mester a biaha trempan pa asina garantisa ku por ta na tempu na Puertoriko p’e Regional. E tempu extra ku e selekshon tin na Puertoriko a posibilita e hobenan pa aklimatisa i enfoka riba nan mision. E 2 wega di fogeo a sera e proseso di aklimatishon i preparashon mental.

E team tekniko a duna oportunidat nan e pitchernan pa nan kwe nan prome experensia pafo di Korsou. Den e prome wega kontra Maunabe, Kleinmoedig, Doran i Inocente a kombina labor riba e pitcherplate pa seya un viktoria kontra di Guayama, 13-10. Inocente a resalta den su empenjo ora ku e la subi i demostra balentia i consistensia den su lansamentu.

Den e wega kontra Maunabe, Doran ku Inocente e kombina labor riba pitchersplate. Ambos a faha bon kontra di e ofensiva di Maunabe. Maunabe a sa di ta mas oportuno na bate i nan a buta nos selekshon abou kus core di 11-9. P’e team tekniko tabata oportunidat pa kaba di hasi e defensa mas skerpi.

Tur hoben a hunga den ambos wega. E dos wega di fogeo a nifika p’e hobenan ku a kibra e ijs. Den e prome wega por nota e nerviosismo, pero segun e wega a avansa e hobenan a sa di kai den e ritmo di wega i nan a lusi mas komodo riba felt. Pa e di dos wega, ya nan tabata mas stabiel para riba tereno. Aparte di a kompeti den e weganan di fogeo, e muchanan a fraternisa tambe ku e integrantenan di e dos selekshon kontrali. Nan a entrekambia ku otro despeus di wega i a akspeta un invitashon di Maunabe pa bai fresca den un riu ku ta kore banda di e felt. Nos hobenan ku ta kustumbra ku e laman di Korsou, a experensia kon na Puertoriko, esnan ku ta biba den interior di e pais ta disfruta di riu.

E Regional mes ta ranka sali awe dialuna, 14 juli 2025. Exito na nos selekshon