“MIX & MATCH SOFTBALL TOURNAMENT” edishon # 3 Organisá pa Fundashon Pro Baseball Montaña Abou (MONTAB)

“MIX & MATCH SOFTBALL TOURNAMENT” edishon # 3
Organisá pa Fundashon Pro Baseball Montaña Abou (MONTAB)

22 September 2024

Den kuadro di selebrashon di Fundashon Pro Baseball Montaña Abou (MONTAB) su di 22 aniversario,
MONTAB ta organisá un turneo den kual Mayornan, Teknikonan i miembronan di Direktiva di
organisashon di Little League Baseball di Liga Pariba, Liga Pabou i Liga Willemstad por forma nan
ekiponan i partisipá. MONTAB ta konsiderá e turneo aki un turneo den kual por yuda kreá un mihó
relashon entre Mayornan, Teknikonan i miembronan di direktiva. Tambe ta duna oportundiat na e
muchanan pa nan mira nan mayornan i teknikonan den akshon i apoyá nan.
“MIX & MATCH SOFTBALL TOURNAMENT” ta tuma lugá e dianan 27, 28 i 29 di sèptèmber
i 4, 5, i 6 di sèptèmber (dos wikènt) na MONTAB Ballpark A (vèlt grandi) & B (vèlt chikí) i ta
dediká na señora Diana Daal. Un persona ku tur hende ku a sigui deporte konosé komo un estrea den
softball fastpitch femenino den añanan 1960 te 1990 i naturalmente Diana ta sumamente konosí den
mundu di baseball Little League. Diana pa 22 aña a dediká su bida na yuda train i prepará muchanan
(entre 4 pa 16 aña) di entre otro bario di Montaña Abou.
Organisashonan ku ta afilia Curacao Little League Baseball por kompetí den e siguiente kategorianan :
KATEGORIA MAYORNAN : Mayornan ku nan yunan ta miembro di un organisashon di Little
League for di Baby League te ku Senior League por partisipá. E ekiponan di mayornan mester kedá
formá dor di por lo menos 5 mayor femenino i 5 mayor maskulino riba tereno di wega. Esta un COMBI
(loke ta konosí komo COED).
KATEGORIA TEKNIKONAN/DIREKTIVA : Timnan por ta formá pa Tekniko i miembro di
Direktiva maskulino komo femenino. Partisipashon di e mayor femenino den e kategoria aki no ta un
eksigensia.
Tambe lo tin weganan den divishon di Tee-Ball i Pre-Minor.
E aña aki nos lo tin un total di 27 tim ku lo partisipa.
“MIX & MATCH SOFTBALL TOURNAMENT” lo implementá mesun reglanan ku ta usa den
HOPE Softball Tournament i lo hunga ku bala moli i bala butá.

Organisashonnan di Liga Pariba, Liga Pabou i liga Willemstad ku ta deseá na partisipá por tuma
kontakto ku Sidiane Laker na telefon 520-0797 of Sue-Heandy Seager 682-5921 of por manda un email
na Montab2002@gmail.com.

Sidiane Laker, Presidente
+ 599 9 520-0797