Bucuti Yacht Club Aruba
Papa Dios, Abo di lama y shelo,
Nos ta halsa nos curason n’abo na e momento aki di temor y speransa.
Esnan cu nos ta stima ta lew di nos,
Riba un lama grandi y nos no sa unda nan ta.
Pero ABO si, abo sa Tata.
Brasa nan bou di bo hala di proteccion,
Guia nan cu bo mannan cu anos no por wak.
Mantene nan curpa y curazon Fuerte Tata, paso nan tur 4 ta fuerte!
Calma tur e olanan rond di nan y calma e tormenta cu nos ta sintiendo den nos curason na e momento aki.
Manda hopi sabiduria pa esnan buscandonan.
Y manda nos corahe pa sigui warda.
Niun distancia no ta grandi suficiente pa e poder cu Abo Tata tin pa trece nan bek serca nos.
Trece nan cas Tata,
Trece nan sano y salvo cas.
Nos ta wardando nan yegada pa brasa nan duro mi Señor.
Te ora e momento ey yega Tata,
Tene nan bou di bo hala di proteccion.
Y duna nos forsa pa sigui warda.
Amen.
Aischell Joshua Tromp, Jarred Croes, Marcelo Heyden, Davey Croes Faith over Fear
KOMPARTI E NOTISIA AKI VIA / Share the news
Like this:
Like Loading...
Related
639114718427035"
639114718427035"
