Kòrsou a yama bon biní na 57.412 turista di estadia na yüni 2025 / Curaçao welcomes 57,412 Stayover Arrivals in June 2025
Kòrsou a yama bon biní na 57.412 turista di estadia na yüni 2025
WILLEMSTAD – 14 di yüli 2025 – Ofisina di Turismo di Kòrsou (CTB) ta raporta ku 57.412 turista di estadia a bishitá nos pais na yüni 2025, representando 15% kresementu kompará ku yüni 2024. E kresementu stabil aki ta mustra ku mas turista ta skohe Kòrsou, tambe durante e lunanan konsiderá komo e temporada slou di turismo.
Tur region for di kua nos ta risibí turista a kontribuí na e kresementu. Karibe a registrá e kresementu di mas fuerte ku 25%, sigui pa Sur Amérika ku un kresementu di 20%, Nort Amérika ku 15% i Europa a registrá un kresementu di 8%. Europa i Nort Amérika ta sigui ta e regionnan for di kua nos pais a risibí mas tantu turista den sifranan apsoluto, ku 19.554 i 17.997 turista respektivamente. Informashon kolektá for di e karchinan di Imigrashon ta mustra ku turistanan a keda un averahe di 7.7 anochi riba nos pais na luna di yüni.
Prestashon tòp 3 merkadonan na luna di yüni 2025:
Estádos Unídos: Estádos Unídos ta keda un merkado fuerte, ku un oumento di 15% den kantidat di turista di estadia kompará ku yüni 2024. Kòrsou a risibí un total di 17.119 turista na yüni 2025 kual a posishoná e merkado di Estádos Unídos komo e merkado for di kua Kòrsou a risibí mayoria turista na luna di yüni. Mayoria turista merikano (68%) a skohe pa resort hotels, miéntras 32% a opta pa otro opshon di akomodashon. Turistanan prosedente di Estádos Unídos a keda un promedio di 6 anochi riba Kòrsou.
Hulanda: Kòrsou a risibí 16.390 turista for di Hulanda, un kresementu di 6% kompará ku e kantidat di 15.422 turista risibí na yüni 2024. Mayoria turista hulandes (55%) a opta pa un otro opshon di akomodashon ku no ta resort, miéntras 45% a skohe pa keda na un resort hotel. Turistanan hulandes a keda un promedio di 11.7 anochi durante nan bishita.
Colombia: Turistanan prosedente di Colombia a subi ku 9% na yüni 2025, yegando na un total di 5.770 turista kompará ku 5.290 risibí na yüni 2024. Bishitantenan prosedente di Colombia a pasa un promedio di 5.4 anochi na Kòrsou, kaminda 59% a skohe pa keda na un resort hotel.
Puntonan ku a resaltá di yanüari te ku yüni 2025
E promé 6 lunanan di 2025 a mustra un prestashon impreshonante. Di yanüari pa yüni 2025, Kòrsou a risibí 898.059 turista inkluyendo 399.738 turista di estadia, 24.516 day trippers i 473.805 turista krusero, esaki ta reflehá un kresementu di 5% kompará ku e mesun periodo na 2024. E kantidat di turista di estadia risibí a registrá un kresementu di 15% i CTB ta antisipá un kresementu kontinuo yegando posiblemente na e meta stipulá pa e aña aki kual ta un total di 765 mil turista di estadia.
Curaçao welcomes 57,412 Stayover Arrivals in June 2025
WILLEMSTAD – July 14, 2025 – The Curaçao Tourist Board reports that 57,412 stayover visitors traveled to the island in June 2025, representing a 15% increase compared to June 2024. This steady growth shows that more travelers are choosing Curaçao, even during months that are considered slow season for tourism.
All source regions contributed to the growth. The Caribbean led with a 25% increase in arrivals, followed by South America at 20%, North America at 15%, and Europe at 8%. Europe and North America remained the top source markets in absolute number of arrivals, recording 19,554 and 17,997 visitors respectively. According to Immigration Card data, visitors stayed an average of 7.7 nights during the month.
Top 3 Source Markets – June 2025
United States of America: USA continues to be a strong market, recording 15% increase in stayover arrivals compared to June 2024. Curaçao welcomed a total of 17,119 arrivals in June 2025, which also positioned the US market as the main source market for the month of June. As for choice of lodging, 68% of the US visitors chose to stay in resort hotels, while 32% stayed at an alternative accommodation. The average length of stay was 6 nights.
The Netherlands: Curaçao welcomed 16,390 visitors from the Netherlands, a 6% increase compared to 15,422 arrivals in June 2024. A majority (55%) opted for non-resort accommodations, while 45% stayed at resorts. Dutch visitors stayed an average of 11.7 nights.
Colombia: Visitor numbers from Colombia increased by 9% in June 2025, recording 5,770 stayover arrivals compared to 5,290 arrivals in June 2024. Colombian visitors stayed an average of 5.4 nights, with 59% choosing to stay in resort hotels.
Year to date highlights: January to June 2025
The first six months of 2025 have shown impressive tourism performance, with the island welcoming a total of 898,059 visitors from January through June, including 399,738 stayover arrivals, 24,516 day-trippers, and 473,805 cruise passengers—reflecting an overall growth of 5% compared to the same period last year. Stayover arrivals alone increased by 15%, and the Curaçao Tourist Board anticipates continued momentum, potentially reaching its projected target of 765,000 stayover arrivals by the end of the year.
