Gobièrnu di Boneiru 𝐈𝐧𝐬𝐭𝐚𝐥𝐚𝐬𝐡𝐨𝐧 𝐢𝐧𝐭𝐞𝐫𝐚𝐤𝐭𝐢𝐯𝐨 𝐧𝐨𝐛𝐨: ‘𝐌𝐚𝐫𝐭𝐢𝐬 𝐝𝐢 𝐊𝐚𝐭𝐚𝐥𝐢𝐧𝐚 𝐉𝐚𝐧𝐠𝐚 – 𝐝𝐢 𝐀́𝐧𝐭𝐞𝐬 𝐩𝐚 𝐀𝐰𝐨𝐫’ 𝐡𝐚𝐛𝗿𝐢́ 𝐩𝐚 𝐩𝐮́𝐛𝐥𝐢𝐤𝐨 𝐟𝐨𝐫 𝐝𝐢 𝟐𝟕 𝐝𝐢 𝐲𝘂̈𝐥𝐢

Komo parti di e programa di konmemorashon riba historia di sklabitut, Sekshon di Kultura, Arte i Literatura (SKAL), den kolaborashon ku Studio Pineda i Stichting Jong Bonaire, ta presentá e impreshonante instalashon Martis di Katalina Janga: di Ántes pa Awor.

E eksperensia úniko aki ta konta e historia di Martis di Katalina Janga. Bishitantenan ta sigui un biahe visual i musikal atrabes di temanan importante manera identidat, libertat, resistensia, i e influensia di e historia di sklabitut riba nos sosiedat di awendia.

𝗘𝘀𝘁𝗿𝗲𝗻𝗼 𝗽𝗮 𝗶𝗻𝘃𝗶𝘁𝗮𝗱𝗼𝗻𝗮𝗻

E estreno ofisial ta tuma lugá djabièrnè 25 di yüli na Jong Bonaire. E evento aki ta pa invitadonan so.

𝗛𝗮𝗯𝗿𝗶́ 𝗽𝗮 𝗽𝘂́𝗯𝗹𝗶𝗸𝗼

E instalashon lo ta habrí pa públiko for di djadumingu 27 di yüli te ku djaweps 31 di yüli. Bishitantenan por registrá pa un di e tres orario pa dia:

• 7:00or PM – 7:30or PM

• 8:00or PM – 8:30or PM

• 9:00or PM – 9:30or PM

Kada seshon ta dura mas o ménos 30 pa 45 minüt. Tambe lo tin tempu pa diskushon y interakshon. Tin un máksimo di 20 partisipante pa kada tempu.

𝗜𝗻𝘀𝗸𝗿𝗶𝗽𝘀𝗵𝗼𝗻 𝗶 𝗥𝗲𝘀𝗲𝗿𝘃𝗮𝘀𝗵𝗼𝗻

Por inskribí via Studio Pineda su páginanan di Facebook i Instagram i e página di Facebook di Sekshon di Kultura, Arte i Literatura.

Entrada ta grátis, pero mester hasi reservashon debí na espasio limitá pa seshon.

Pa mas informashon, petishon pa entrevista, òf material pa prensa por tuma kontakto ku: Segni Bernardina: +599 7965677 òf Rogen Pineda: +599 7962407