Gobièrnu di Boneiru 𝗜𝗡𝗦𝗞𝗥𝗜𝗣𝗦𝗛𝗢𝗡 𝗣𝗔 𝗦𝗧𝗘̀𝗡𝗧 𝗣𝗔 𝗗𝗜𝗔 𝗗𝗜 𝗕𝗢𝗡𝗘𝗜𝗥𝗨 𝟮𝟬𝟮𝟱

For di 18 di yüli 2025 te 22 di ougùstùs 2025 bo por inskribí pa un stènt pa bende kos Dia di Boneiru. E aña akí e parti kultural ta tuma lugá na Plasa Wilhemina.

𝗞𝗶𝗸𝗼 𝗯𝗼 𝗽𝗼𝗿 𝗯𝗲𝗻𝗱𝗲?

Manera tur aña esnan ku ke por hür un stènt pa bende diferente kos. Esaki por ta:

• Kuminda

• Snèk

• Bebida

• Opheto di arte

• Wega di karta ‘Bon kuné’

• Wega pa mucha

𝗨𝗻𝗱𝗮 𝗽𝗼𝗿 𝗶𝗻𝘀𝗸𝗿𝗶𝗯𝗶́ 𝗶 𝗸𝗼𝗻?

Bo por inskribí ònlain na https://bonairegov.com/pa/habitante/stand-dia-di-boneiru. Bo por pasa inskribí tambe na ofisina di SKAL, Kaya E.C.Craane na Playa Pabou. Inskripshon ta sera 22 di ougùstùs 2025. Organisashon i hende ku ta inskribí na Boneiru, ta haña preferensia pa hür stènt.

𝗣𝗮𝗴𝗼

E preis di hür di stènt ta dependé di loke bo ta bende. Bo por wak e tarifanan pa diferente produkto ku bo por bende den e stènt riba e lenk di inskripshon. Despues di inskribí, mester risibí un konfirmashon di e petishon via di imeil. Despues di risibí e konfirmashon, por hasi e pago onlain òf na Departamento di Registro Sivil na Kaya Neerlandia 40. Djaluna 1 di sèptèmber 2025 ta e delaster dia pa hasi e pago.

𝗞𝗮𝗻𝘀𝗲𝗹𝗮𝘀𝗵𝗼𝗻

Den kaso ku kanselá hür di stènt, hürdó no ta haña e suma pagá bèk.