Detenshon den kaso di ladronisia di vehíkulo i enkubrimentu 

 

KUERPO POLISIAL KÒRSOU 

KOMUNIKADO DI PRENSA 297/2025 

21 yüli 2025 

Detenshon den kaso di ladronisia di vehíkulo i enkubrimentu 

Kontinuando ku investigashon den un kaso di ladronisia di vehíkulo ku a tuma lugá djaweps  17 di yüli 2025 den área di Roodeweg, polis a hasi un detenshon. 

Djaluna 21 di yüli 2025 alrededor di 12.39’or, reshèrshinan ku ta investigá ladronisia di  vehíkulo a hasi detenshon di e hòmber R.P.H. di 42 aña di edat nasé na Kòrsou. Su detenshon a tuma lugá na un establesimentu ku ta bende piesa di vehíkulo segunda  mano riba Kaminda Hensley Meulens. 

A presentá e sospechoso dilanti di un fiskal ouksiliar ku a ordená su enkarselamentu  pendiente di mas investigashon.