Detenshon relashoná ku violensia relashonal i maltrato

KUERPO POLISIAL KÒRSOU
KOMUNIKADO DI PRENSA
307/2025
27 yüli 2025
Detenshon relashoná ku violensia relashonal i maltrato
Djasabra 26 di yüli 2025 alrededor di 00.35’or, Sentral di polis a dirigí un unidat polisial pa un kas na Kaya Robardo pa un kaso di violensia relashonal i maltrato.
For di investigashon ku polis a hasi na e sitio a sali na kla ku èks pareha di un dama a drenta den su kas sin su outorisashon.
Na momento ku e dama a tuma nota di e hòmber, a start un forsageo entre nan dos i e èks lo a dal e dama ku un telefòn na su kabes.
E dama a sali bai buska yudansa na warda di polis Montaña.
Despues di un ratu e èks tambe a presentá na e warda ariba menshoná i einan a hasi detenshon di e hòmber L.L.M.P. di 31 aña di edat nasé na Kòrsou, relashoná ku e kaso di maltrato ariba menshoná.
A presentá e sospechoso dilanti di un fiskal ouksiliar ku a ordená su
enkarselamentu pendiente di mas investigashon.
