Mantenshon di plenchi kaminda busto di George Hueck ta ubiká no ta responsabilidat di Ministerio di GMN
Mantenshon di plenchi kaminda busto di George Hueck ta ubiká no ta responsabilidat di Ministerio di GMN
Willemstad – Djabièrnè último a publiká un artíkulo den korant Extra den kual siudadanonan preokupá ta pidi instansianan konserní atenshon pa situashon di e plenchi na e busto di señor George L. Hueck (qepd). Komo mantenshon di sierto plenchi ta resortá bou di Ministerio di GMN, Minister di Asuntunan General enkargá tambe ku e sektor di medio- ambiente i naturalesa señor Gilmar Pisas a averiguá den su sektor ku esaki tambe ta responsabilidat di GMN. A resultá ku esaki no ta e kaso.
Mantenshon di e plenchi kaminda busto di señor George L. Hueck ta ubiká ta responsabilidat di e universidat ku tin kaminda ántes tabata Coney Island. Despues ku esaki a keda konfirmá, Minister Pisas ta bai laga hasi e tramitenan nesesario pa di tur manera laga limpia e plenchi. Esaki komo respèt pa señor Hueck komo èks mandatario i su famianan. Alabes ta bai laga tuma e pasonan nesesario pa e plenchi keda mantené periodikamente i asina evitá ku e ta keda deskuidá den futuro.
