Ban Bek Caya ta un iniciativa di gobierno cu e meta pa reactiva comercio den Caya Grandi y trece famianan hunto den un ambiente di shopping night. For di e prome edicion te cu esun di e siman aki, por sinti e entusiasmo grandi di cada comerciante cu ta duna nan maximo coopreracion, conhuntamente cu gobierno y tur instancia envolvi, pa haci esaki e exito cu ta mira awe.

Cu e meta pa engrandece aun mas e anochi di compras aki, e organisadonan ta buscando colaboracion cu mas partner strategico pa asina stimula e curiosidad di mas bishitante pa area di Caya Grandi. Meta lo ta pa dirigi un cantidad grandi for di e area turistico, pa e actividad di Ban Bek Caya y asina garantisa mas cliente y benta pa e comerciantenan.

Comerciantenan a expresa algun preocupacion y idea con pa mehora aspecto pero tambe con pa traha hunto pa promove aun mas e bunita actividad aki pa famianan y mundo comercial den Caya Betico Croes.