Yu di Korsou Sigmond Volk di 53 aña ta fayece ora vloer di beton a cay riba dje durante construccion na Eagle

 

 

 

 

Yu di Korsou Sigmond Volk di 53 aña ta fayece ora vloer di beton a cay riba dje durante construccion na Eagle

 

Orañestad Aruba:

Diamars atardi na final di un dia di trabou un homber trahando den construccion a fayece. Aki ta trata di Sigmond Volk naci na Corsou 10-12-1971. E no ta traha directamente pa e doñonan di e proyecto, pero ta un homber cu ta traha pa e compania cu ta armando e structura di hero. Pues, un compania apart of priva cu ta encarga cu e proyectonan asina. Nan tin nan proceso di siguridad pero asina mes algo a bay robes diamars.

N’e prome piso tabata acomodando un piso of vloer traha di beton. E persona tabata para bou di e vloer. Tabata tin staca of steun. A bay move uno y e vloer a cay riba e persona mat’e mesora. Ambulance a yega pero e paramediconan no tabata por a haci nada mas. Polis a cuminsa un investigacion y demas autoridad a presenta.

Hefe di polis tambe a yega hunto cu otro superiornan. Un situacion hopi tristo. E persona ta naci na Corsou y tabata haciendo trabou na e structura di hero. Paz na su restonan y forsa na e famia.

Kortesia di 24 ora.