Komishon Dòmi ta hasi entregá di 50 tas na mucha i hóbennan di bario !
Komishon Dòmi ta hasi entregá di 50 tas na mucha i hóbennan di bario !
Un edukashon di kalidat ta habri porta pa un futuro briyante. Nos di e komishon di bario Dòmi ta kere ku kada mucha, sin importá su situashon, meresé un komienso trankil i digno di e aña eskolar. E fortifikashon di nos komunidat ta kuminsá na nos mucha i hóbennan.
Den un tremendo ambiente sr. Frank Do Rego i koleganan, na nòmber di Crown Automotives i FORD, a entregá 50 tas yená ku material di skol na sra. Ana Maria Pauletta den representashon di e barionan di Dòmi. E tasnan lo keda repartí ku hopi plaser, pa e muchanan di e bario nan di Ser’í Dòmi, Dòmi Abou, Baraltwijk i Juan Domingo bij Colon.
Na nòmber di nos habitantenan, nos ta ekspresá nos gradisimentu na Crown Automotives i FORD pa un biaha mas e gesto generoso, tambe na tur boluntario ku nan aporté ta sigui hasi e proyekto aki posibel. Huntu, nos ta sigui traha pa un Kòrsou ku mas oportunidad pa tur hende.
Komishonnan di Dòmi ta deseá tur mucha i hóben un aña eskolar yen di éksito, motivashon i kargá di posibilidat !!!
