Dia 23 di yüni próksimo na Landhuis Brievengat Di dos edishon di Jazz Meets Cultures

Dia 23 di yüni próksimo na Landhuis Brievengat

Di dos edishon di Jazz Meets Cultures

 

Jazz Meets Cultures ta nòmber di un konsepto úniko kaminda ku e músika Jazz ta topa kultura; ku esaki ta referí na nos géneronan lokal manera Tumba, Seú, Simadan, Tambú, Kizomba, Reggae, Ritmo Kombiná, Zouk i Son Montuno huntu ku e integrashon di Jazz. E konsepto aki ta keda tresé dilanti den forma di un konsierto ku e meta pa rekoudá fondo pa por yuda nos hobennan ku desaroyo di nan talento den músika i baile. Na 2011 tabata e promé edishon di Jazz Meets Cultures, kua e tempu ei a tuma lugá na Landhuis Groot Sta. Martha i mester remarká ku tabata un éksito rotundo.

Dia 23 di yüni próksimo ta dia di e di dos edishon di Jazz Meets Cultures na Landhuis Brievengat di 8or pa 11or di anochi. Ta e intenshon pa e evento aki bira unu anual den luna di yüni.

Músika

Jazz Meets Cultures 2018 lo konta ku presentashon di solamente nos artistanan lokal, dunando realse na nos yunan di tera. Dennis Aalse i su Big Band lo kompañá mayoria kantante. Esnan ku lo presentá e dia aki ta: Mc Chris Strick, Reinier Lijfrock, Grupo Kompèr, Grupo Trinchera, Æmy Felicia, Andrew Aalse, Grupo Rítmiko Sablika, Rendell Rosalia, Rachid Felida, Furgell Wijngaarden, Aisha Lucas ku Uprising Reggae Band, Djuric Virginie, Raynor “Ray” Lauffer, Amos Balentin, Roald Balentien i Urvin “Luwi” Jano.

Entrada

Karchi di entrada ta optenibel na rason di solamente fl. 55,- na 24 Uur Uit de Muur, Beep Beep i Mensing’s. Karchi pa sekshon di VIP ta optenibel serka Anaiz Visser na 513-2841 pa fl. 175,-. Djasabra 5 di mei lo tin un gimmick pa e evento aki, kua lo keda anunsiá otro siman.

Tambe lo por kumpra karchi online via di Ticket Caribbean.

Patrosinadó

Mas ku klaro ku pa por realisá e evento aki, Foundation Jazz Meets Curaçao ta konta ku su patrosinadónan, na kua e ta ekstendé su gradisimentu pa e konfiansa den e proyekto aki, kendenan ta entre otro Landhuis Brievengat, Curaçao Tourist Board, Aqualectra, Curaçaose Wegenbouw Maatsschappij, Tickets Caribbean i tambe General Catering.

Informashon

Pa kualke informashon di Jazz Meets Cultures 2018, por chèk su página di Facebook i tambe Instagram, bou di e nòmber JazzMeetsCultures, via email na info@jazzmeetscultures.com òf tambe via di e number di telefon 540-0111.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: