KOMUNIKADO DI KUERPO POLISIAL KÒRSOU Kontròl riba establesimentu di Horeca.

KOMUNIKADO DI KUERPO POLISIAL KÒRSOU
177 / 2018
23 aprel 2018

Kontròl riba establesimentu di Horeca.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 20 di aprel 2018, entre di 21.00 or di anochi i 02.00 or di mardugá, e personal di Departamento di Pèrmit di Polis (U.B.W.) konhuntamente ku Tim di Mantenshon di Órden Públiko, MEO, BAB i Brantwer a tene kontròl riba diferente establesimentu di Horeca riba e echo ku tabta duna oportunidat pa músika i tambe baila sin e pèrmitnan nesesario.
Durante di e kontròlnan aki a kontrolá shete (7) establesimentu. A sera sinku (5) di e establesimentunan aki pa motibu ku nan dokumentunan no tabata na ordu. Tambe a detené un total di trintiun (31) estranhero ku no tabatin e dokumentonan nesesario pa por permanesé riba nos isla. A hibá e personanan aki Departamentu di Imigrashon pa mas investigashon i deportashon. E kontròlnan aki ta kontinuá.

This site uses Akismet to reduce spam. Learn how your comment data is processed.

error: Content is protected !!
%d bloggers like this: