Enkuentro entre Minister Silvania, su team i stakeholdernan prinsipal den kuido di salubridat.

Minister Javier Silvania

Awe a tuma lugá un enkuentro entre Minister Silvania, su team i stakeholdernan prinsipal den kuido di salubridat. Den e enkuentro aki a trata lei di Moratorio pa dòkternan i funshonario mediko na Kòrsou, vigente for di 2019. E lei aki ta regulá e kantidat máksimo di profeshonal ku por wòrdu atmití den sektor di kuido, pero mester di aktualisashon pa reflehá e desaroyonan den salubridat i den poblashon lokal.
Minister Silvania a instalá un grupo di trabou, ku lo wòrdu guiá dor di inspekshon i stakeholdernan prinsipal. Den e lunanan benidero e grupo lo inkluí konsultashon ku tur otro aktor relevante, ku meta pa yega na un evaluashon nobo riba e nesesidat real di profeshonalnan mediko na Kòrsou.