Sombra di Pasado: Un eksperiensia ouditivo úniko lo estrená na Wintertuin Curaçao Festival / Sombra di Pasado: Een unieke audio-ervaring gaat in première op het Wintertuin Curaçao Festival

 

Sombra di Pasado: Un eksperiensia ouditivo úniko lo estrená na Wintertuin Curaçao Festival

Willemstad, Kòrsou — Dia 20 di sèptèmber proksimo, durante Wintertuin Curaçao Festival, públiko lo por eksperensiá Sombra di Pasado pa prome biaha. Sombra di Pasado ta un ekshibishon ouditivo ku ta duna bida nobo na kuentanan tokante e pasado di sklabitut na Kòrsou. E proyekto akí ta un kolaborashon entre Wintertuin Curaçao i Museo Kurá Hulanda. Un kombinashon di historia, fikshon i tradishon oral pa honra e resilensia di nos avochinan.

Eskritornan i historiadónan a traha huntu pa transformá dokumentashonnan históriko i tradishonnan oral den kuentanan fiktisio ku sintimentunan di doló, speransa i poder di nos pueblo. “Historia a ser skibí pa kolonisadónan. Sombra di Pasado ta duna bos na esnan ku no tabatin bos den pasado.”

Den e promé fase dje proyekto un tim kreativo eksepshonal a reuní semanalmente na Museo Kurá Hulanda pa skibi kuenta. E tim akí tabata konsistí dje artistanan di palabra Calviany Eleonora, Natasha Cabenda, Plazina Timmers, Ena Neslo, Sheedia Jansen, Sorandy Sint Jacobs, Percy Pinedo, Richard Doest i Crisanta Martha. E eskritornan a haña informashon históriko di entre otro Richard Doest, Jeanne Henriquez i Max Elstak. Den e di dos fase a kombertí e tekstonan den esena dje eksperensia ouditivo. A graba e esenanan ku aktornan di bos manera Milushka Birge, Greysha Niebe, Juji Oltheten, Richailine Elisa, Aydan Goilo, Kionn Yung i Shenyo Bokshoven. Grabashonnan di bos a wòrdu hasí serka Oscar Bor. Sorandy Sint Jacobs ta responsabel pa diseño dje soundscape. E proyekto ta bou di direkshon artístiko di Joeri Oltheten i Juan-Carlos Goilo. 

Un di e grabashonnan inpaktante ta Huida pa Libertat, skibí pa Natasha Cabenda i interpretá pa Richailine Elisa i Mayberney Meyer. Huida pa Libertat ta basá riba un benta real di hendenan sklabisá den 1852. Kuentanan asina ta trese historia di Kòrsou serka di nos kurason. Segun Sheedia, “Sombra di Pasado ta duna koló na nos historia, i ta buta historia sinti mas manera nos historia.” E kuentanan ta ilustrá diferente aspekto di nos historia di sklabitut for di diferente perspektiva: di rebelion i huida pa kantika di mucha i ritual. 

E estreno di 20 di sèptèmber ta un eksperensia eksklusivo den e kurá di Landhuis Vredenberg. No pèrdè e evento kultural úniko aki. Karchinan pa Wintertuin Festival ta optenibel na Mensing’s Caminada, Van den Tweel Suparket Zeelandia i online na Caribbean Ticket Shop.

 

Sombra di Pasado: Een unieke audio-ervaring gaat in première op het Wintertuin Curaçao Festival
Willemstad, Curaçao — Op 20 september aanstaande, tijdens het Wintertuin Curaçao Festival,
kan het publiek voor het eerst kennismaken met Sombra di Pasado: een audio-expositie die
nieuw leven blaast in de verhalen rondom het slavernijverleden van Curaçao. Dit project is een
samenwerking tussen Wintertuin Curaçao en het Kurá Hulanda Museum. Een combinatie van geschiedenis, fictie en orale traditie die de veerkracht van onze voorouders eert.
Schrijvers en historici hebben samengewerkt om historische documenten en orale tradities te transformeren in fictieve verhalen vol gevoelens van pijn, hoop en kracht van ons volk.
“Geschiedenis is geschreven door de koloniseerders”, aldus Sheedia Jansen, schrijver en vertolker van haar eigen verhaal. “Sombra di Pasado geeft een stem aan degenen die geen stem hadden in het verleden.”
In de eerste fase van het project kwam een uitzonderlijk creatief team wekelijks in het Kurá Hulanda Museum bijeen om verhalen te schrijven. Dit team bestond uit de woordkunstenaars Calviany Eleonora, Natasha Cabenda, Plazina Timmers, Ena Neslo, Sheedia Jansen, Sorandy Sint
Jacobs, Percy Pinedo, Richard Doest en Crisanta Martha. De schrijvers kregen relevante historische informatie van onder andere Richard Doest, Jeanne Henriquez en Max Elstak. In de tweede fase zijn de verhalen bewerkt tot scènes van een audio-ervaring. Deze scènes zijn vervolgens opgenomen met stemacteurs zoals Milushka Birge, Greysha Niebe, Juji Oltheten, Richailine Elisa, Aydan Goilo, Kionn Yung en Shenyo Bokshoven. De opnames vonden plaats bij Oscar Bor. Sorandy Sint Jacobs is verantwoordelijk voor het soundscape-design. Het project staat onder artistieke leiding van Joeri Oltheten en Juan-Carlos Goilo.
Een van de indrukwekkende opnames is Huida pa Libertat, geschreven door Natasha Cabenda en vertolkt door Richailine Elisa en Mayberney Meyer. Het verhaal Huida pa Libertat is gebaseerd op de waargebeurde verkoop van een groep totslaafgemaakten uit 1852. Zulke verhalen brengen de geschiedenis van Curaçao dichter bij ons hart. Volgens Jansen: “Sombra di Pasado geeft kleur aan onze geschiedenis en laat deze voelen alsof het werkelijk ónze geschiedenis is.” De verhalen belichten diverse aspecten van de slavernijgeschiedenis vanuit meerdere perspectieven: van opstand en vlucht tot kinderliedjes en rituelen.
De première op 20 september is een exclusieve ervaring in de sfeervolle tuin van Landhuis Vredenberg. Mis dit unieke culturele evenement niet. Tickets voor het Wintertuin Festival zijn verkrijgbaar bij Mensing’s Caminada, Van den Tweel Supermarkt Zeelandia en online via Caribbean Ticket Shop.