Notisia di polis di djabièrnè 22 di ougùstùs te ku djaluna 25 di ougùstùs 2025 // Politieberichten van vrijdag 22 augustus tot en met maandag 25 augustus 2025
Notisia di polis di djabièrnè 22 di ougùstùs te ku djaluna 25 di ougùstùs 2025
Outo ta bòltu
Djaluna 25 di ougùstùs, alrededor di 2.30 or di mardugá, ‘meldkamer’ sentral a risibí notifikashon tokante un aksidente riba Kaya Korona, na altura di Mentor, di kua un outo a bòltu. Pa e motibu aki e shofùr a keda pegá den e vehíkulo. A dirigí polis, brantwer i ambulans na e sitio. A resultá ku e outo tabata direkshon nort riba Kaya Korona i a baha for di kaminda, dal den un bòrchi di propaganda despues di kua e outo a bòltu i keda riba su banda. Despues ku a saka e víktima for di e vehíkulo, a transport’é ku ambulans pa hòspital pa tratamentu médiko. E departamentu di tráfiko tambe a bini na e sitio pa investigá kousa di e aksidente. Debí na prioridat di kuido médiko, no por a hasi un tèst di supla ku e shofùr.
Aksidente entre outo i bròmer
Djadumingu 24 di ougùstùs, alrededor di 5.45 or di atardi, ‘meldkamer’ sentral a risibí notifikashon tokante un aksidente entre un outo i un bròmer na e krusada di Kaya Gepi i Kaya Korona. E shofùr di e bròmer a resultá heridá i personal di ambulans a hasi un chekeo médiko kuné na e sitio mes. E no mester a bai hòspital. Shofùr di e outo a haña but pa manehá sin seguro bálido. Konforme e maneho di ‘botsen is blazen’ a hasi un tèst di supla ku ámbos shofùr, ku resultado negativo.
Bo a mira algu sospechoso? Yama 717 8000 òf e liña di tep anónimo 9310.
Politieberichten van vrijdag 22 augustus tot en met maandag 25 augustus 2025
Auto over de kop
Op maandag 25 augustus, rond 02:30 uur, kreeg de centrale meldkamer melding over een aanrijding op de Kaya Korona, ter hoogte van Mentor, waarbij een auto over de kop was geslagen. Hierdoor zat de bestuurder bekneld in het voertuig. De politie, brandweer en ambulance werden ter plaatse gedirigeerd. Het bleek dat de auto in noordelijke richting op de Kaya Korona reed en reed van de weg af, botste tegen een reclamebord waarna de auto over de kop sloeg en op zijn zijkant tot stilstand kwam. Nadat het slachtoffer was bevrijd, werd hij met een ambulance naar het ziekenhuis gebracht voor medische behandeling. Ook de verkeersafdeling kwam ter plaatse om de oorzaak van de aanrijding te onderzoeken. Vanwege de prioriteit van medische zorg kon de bestuurder geen blaastest ondergaan.
Aanrijding tussen auto en motorfiets
Op zondag 24 augustus, rond 17:45 uur, kreeg de centrale meldkamer melding over een aanrijding tussen een auto en een bromfiets op het kruispunt van de Kaya Gepi en Kaya Korona. De bestuurder van de bromfiets raakte gewond en werd ter plaatse medisch gecontroleerd door het ambulancepersoneel. Hij hoefde niet mee naar het ziekenhuis. De bestuurder van de auto kreeg een bekeuring voor het rijden zonder geldige verzekering. Volgens het botsen is blazen beleid werd een blaastest bij beide bestuurders afgenomen, met een negatief resultaat.
Heeft u iets verdachts gezien? Bel 911 of 717 8000 of de anonieme tip lijn 9310.