Kiebro den outo ku detenshon.

 

KOMUNIKADO DI PRENSA 207 /2022
16 aprel 2022
Kiebro den outo ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 14 di aprel 2022 alrededor di 22.09’or, Sentral di Polis a risibí informashon ku dos
hòmber lo tabata di un forma sospechoso den un outo ku tabata stashoná den Penstraat.
Mesora a dirigí unidat na e sítio i na su yegada el a konstatá ku deskonosínan a kibra e
bentana patras di e vehíkulo aki.
Pero ya e malechornan no tabata na e sítio mas.
Riba indikashon di Sentral di Polis, un otro unidat a bin lokalisá djis algun minüt despues, e
tiponan aki den un otro vehíkulo riba Oranjestraat na altura di e santana.
A para e vehíkulo inmediatamente i a hasi detenshon di e hòmbernan sospechoso J.G.U i
K.A.I. di respektivamente 27 i 25 aña de edat, ámbos nase na Kòrsou.
A presentá e duo dilanti di un fiskal ouksiliar ku a ordená nan enkarsealmentu pendiente di
mas investigashon.