e-Curaçao Business Seminar: Un dia pa haña inspirashon, konektá i krese 4 di òktober 2025
Den un mundu digital ku ta kambia rápidamente, eventonan ku ta trese huntu e mentenan mas briante di nos region i mas leu a bira esensial pa kresementu personal i profeshonal. E e-Curaçao Business Seminar ta regresá ku su di 4 edishon riba djasabra, 27 di sèptèmber 2025, na Curaçao Marriott Resort Ballroom, i e ekspektativanan ta haltu teniendo na kuenta ku tur e edishonnan anterior tabata totalmente bendí ku mas ku 500 hende Esaki no ta djis un otro seminario — e ta un plataforma vibrante pa empoderá talento lokal, eksplorá e último desaroyonan den inteligensia artifisial, komersio elektróniko, medionan sosial i merkadeo digital. Mas ku esei, e ta un oportunidat pa tende direktamente di profeshonalnan internashonal ku ta formando e paisahe di negoshi mundial.
E slogan di e aña aki ta kla i poderoso: Kibra límitenan. Konstruí Legado. E ta un yamada pa pensa grandi, pa kita fronteranan, i kuminsá traha riba un herensia ku ta importá — tantu den negoshi komo den bida.
E liista oradónan ta algu ku bo no ke pèrdè: Tyrona (Ty) Heath – LinkedIn (Merka), Rose Jia – Amazon (Merka), Christina Clark – HubSpot (Merka) y Jennifer Tokromo – MediaMarkt (Ulanda). Ademas bosnan regional manera Diederik Kemmerling (The Lab) i Mark Benson Denz (Infinity Media & 24ora.com). Pronto lo anuncia mas empresario y orador local.
E idea ta simpel: krea un pulso regional pa kresementu digital, inovashon i transformashon den henter Karibe — konektá nos islanan a traves di eksperensianan di siñamentu poderoso i enfoká riba futuro. E identidat visual pa e aña aki ta sigui un tema futurista di raket i espasio, representando ambishon, elevashon i posibilidatnan sin límite. E raket ta un símbolo di bo mes lansamentu — i ku e mentalidat i hèrmèntnan korekto, bo negoshi òf idea por lanta vuelo tambe.
Buska bo karchi awor aki na www.ebusinessevents.com of na Van den Tweel Zeelandia. Akseso General: $75 USD, Karchi di Studiante ku ID: $33 USD. Servisio di tradukshon na Spañ0 disponibel via app riba Google Play & Apple Store.
e-Curacao ta ekstendé un danki spesial na e partnernan ku ta hasi esaki posibel: Guardian Group, CX Pay Me , Van den Tweel Supermarket, Kamer van Koophandel en Nijverheid Curacao, CINEX, Massive Productions, Tramm Imaging, i Paradise FM 103.1, The Lab, 24ora.com, Infinity Media & Events.
