Servisio di Impuesto Kòrsou ekonomisando miónes danki na ofisina prinsipal nobo / “Belastingdienst Curaçao bespaart miljoenen met nieuw hoofdkantoor” 

 

Servisio di Impuesto Kòrsou ekonomisando miónes danki na ofisina prinsipal nobo 

Apertura di Regentesselaan ta sera e kapítulo di problema ku alohamentu, dunando inisio na un funshonamentu mas efisiente 

E ofisina prinsipal nobo di Servisio di Impuesto Kòrsou na Regentesselaan a habri su portanan ofisialmente dia 22 di ougùstùs último. Durante e seremonia, Sr. Sherwin Casper i Sr. Wim Nijdam a risibí un plakat kada un komo muestra di apresio pa nan servisionan i nan dedikashon eksepshonal. 

Remodelashon efisiente ta skapa rekurso finansiero 

Danki na e liderazgo i dedikashon di direktor di Stichting Belasting Accountants Bureau, Sr. Sherwin Casper, e remodelashon a tuma lugá na un manera muchu mas efisiente ku loke a premirá. A entregá e edifisio ku un gastu di 27 mion florin ménos ku loke a presupuestá, anto den muchu ménos tempu tambe. Originalmente, a plania di hasi esei den sinku aña, pero e proyekto a kaba muchu mas lihé. Esaki a hiba na un ekonomisashon di aproksimadamente 8 mion florin na gastu di hür ku di otro manera lo mester a bai pa WTC. 

Bentaha bisto pa personal 

Banda di e aspekto finansiero, tin bentaha bisto pa e empleadonan tambe. Danki na e mudansa pa Regentesselaan, e problemanan konstante ku tabatin na WTC a bira un asuntu di pasado. E gastunan haltu di limpiesa pa kombatí e problema persistente di ‘schimmel’ den e edifisio no ta nesesario mas i tabatin un bahada drástiko den kaso di AO. Den aspekto práktiko tambe tin adelanto: Danki na kooperashon di famia Gois, awor tin mas lugá di parker. Tambe, awor e empleadonan tin un kaminda bou di dak ku ta konektá ofisina di impuesto ku e edifisio di SBAB, di manera ku nan no tin ku kana den solo ni áwaseru mas. 

Siguridat i modernisashon

Riba tereno di siguridat tambe tin adelanto. A lanta un kurá resistente rònt di e tereno, ku un kasita di pòrtir nobo, pa por tin un mihó kontrol di akseso na e tereno. 

Esnan ku tabata presente na e apertura a komentá ku esaki ta marka un paso importante den modernisashon di e servisionan di gobièrnu. E invershon akí no solamente a skapa miónes na gastu; tambe, e ta kontribuí na un ambiente di trabou mas saludabel, sigur i produktivo. 

Rekonosementu pa un motor tras di kortina 

Sr. Wim Nijdam tambe a risibí un plakat di mérito serka minister di Finansa Javier Silvania. For di yüni 2021, Wim Nijdam a bin ta apoyá gerensia di Servisio di Impuesto, prinsipalmente tras di kortina. Aunke resientemente su nòmber a sali den publisidat debí na sierto akusashon sin base, e echonan ta duna henteramente un otro bista di e persona. Su trabou a kontribuí supstansialmente na éksito di Servisio di Impuesto i e oumento fuerte ku tabatin den entrada di impuesto. 

Kon a kuminsá na 2021: Ku kaha bashí i un enkargo urgente 

Despues di e pandemia di COVID, Kòrsou tabata mal pará finansieramente. Kaha di gobièrnu tabata bashí i Hulanda tabata duna sosten solamente bou di kondishon estrikto. Na yüni 2021, minister Silvania a pidi Wim Nijdam traha un plan pa oumentá entrada di impuesto riba korto plaso. Denter di apénas un par di dia, tabatin un plan konkreto riba mesa ku dies punto di akshon, i a kuminsá implementá esaki inmediatamente. 

A tuma vários medida importante: a manda aanslag atrasá di omzetbelasting, impuesto riba entrada i impuesto riba propiedat inmóbil, a kuminsá kobra debe di impuesto na un manera mas intensivo i a implementá un areglo di deskuento pa debe bieu, konforme akuerdo di gobernashon. E punto di salida tabata bon kla: “lei pa un, lei pa tur.” Mester pone un fin na faboresementu di famia i amigu. 

Por a mira e efektonan mesora: E oumento den entrada di impuesto i prima ta muchu haltu pa bo por splik’é a base di e rekuperashon ekonómiko so. 

Mehorashon struktural 

Banda di e oumento rápido di entrada, a traha tambe riba mehorashon struktural di Servisio di Impuesto. For di 2022, a kuminsá formulá ophetivo operashonal tur aña, ku

minister a aprobá. A formulá e ophetivonan akí a base di un midishon di referensia ku na su turno ta basá riba e instrumento diagnóstiko TADAT-framework di IMF. 

Wim Nijdam a introdusí reunion mensual ku e lidernan di tim i a usa ‘dashboard’ ku a permití e empleadonan, lidernan di tim i maneho mira e prestashonnan i adelanto di e trabou tur dia. E audit di IMF di òktober 2024 tambe a konfirmá ku Servisio di Impuesto a bin ta funshoná na un manera mas profeshonal. E informe akí ta duna atenshon na e adelanto bisto ku por konstatá serka e servisio akí for di 2021. Ademas, for di 2024, Servisio di Impuesto su informenan di kuartal ta disponibel pa públiko via e wèpsait. 

Resultado konkreto 

E mehorashonnan a keda reflehá den sifra konkreto. E kantidat di empresario ku ta paga OB tur luna a subi, di 4.500 na yüni 2021 te na mas ku 7.000 na fin di 2024; un oumento di mas ku 50%. 

For di 2021, entrada di impuesto i prima ta strukturalmente mas haltu ku loke a presupuestá. Na 2024 tambe e entrada tabata Cg 102 mion mas haltu ku loke a kalkulá, siendo ku na 2021, vários ‘eksperto’ a pronostiká ku e oumento di entrada lo ta algu temporal. Na 2025, te ku luna di yüli, ya e entrada a superá presupuesto ku mas di Cg 84 mion, danki na e esfuersonan èkstra di parti di duana i SBAB. Entre otro, e fondonan èkstra akí a permití pa hasi invershon den salubridat, mantenshon di kaminda i indeksashon di salario di empleado públiko. 

Multifunshonal 

Ademas di su trabounan diario riba tereno di kumplimentu ku impuesto, Wim Nijdam ta forma parti tambe, entre otro, di e grupo di trabou pa oumento di AOV, kaminda e ta usa su konosementunan pa yega na un oumento di pago di AOV na un manera struktural i ku ta finansieramente responsabel. For di 2023, el a hasi un kalkulashon di e efekto positivo ku legalisashon di persona indokumentá lo tin riba entrada di prima. 

E resultadonan di 2021 te ku awor ta mustra ku perseveransia i profeshonalisashon ta e klave. Danki na e esfuerso di un gran kantidat di persona den Servisio di Impuesto, ku Wim komo motor tras di kortina, awe nos ta muchu mas serka di realisashon di e prinsipio di “lei pa un, lei pa tur” i awor Kòrsou tin atrobe e espasio finansiero nesesario pa por tuma su desishonnan e mes.

Dia di Informashon na Servisio di Impuesto, 6 di sèptèmber 2025 

Servisio di Impuesto Kòrsou ta invitá públiko pa un Dia di Informashon, djasabra 6 di sèptèmber, di 10.00 am te 13.00 pm. Públiko lo tin oportunidat di sera konosí ku e edifisio nobo i e servisionan moderno ku ta ofresé komunidat. 

Riba e dia ei, e bishitantenan lo por hasi uso di e servisionan regular di Servisio di Impuesto, pero tambe partisipá den un programa spesial ku presentashon i seshon di informashon, i hasi pregunta direktamente na nos ekspertonan. 

Programa ofisial – djasabra 6 di sèptèmber 

10:00 – Palabra di bonbiní di minister di Finansa Sr. Javier Silvania i Sra. Jamila Isenia 10:10 – Presentashon tokante Portal Online 

10:50 – Presentashon tokante Impuesto riba entrada 

11:45 – Presentashon tokante Kobransa 

12:15 – Presentashon tokante Impuesto di vehíkulo 

12:30 – Presentashon tokante Impuesto riba propiedat inmóbil 

Servisionan disponibel na e Dia di Informashon 

Spesialmente pa e okashon akí, Servisio di Impuesto lo habri su portanan pa yuda e bishitantenan ku: 

Ekstrakto di debiteurenkaart 

Petishon di number di CRIB 

Desblokiá kuenta 

Pago na bali 

Nos ta konta ku bo presensia na e dia spesial akí, den kuadro di nos esfuerso pa ofresé komunidat mas transparensia i servisio.

---

 

“Belastingdienst Curaçao bespaart miljoenen met nieuw hoofdkantoor” 

Opening Regentesselaan markeert einde huisvestingsproblemen en start van efficiënter werken 

Op 22 augustus jl. werd het vernieuwde hoofdkantoor van de Belastingdienst Curaçao aan de Regentesselaan officieel geopend. Tijdens deze plechtigheid ontvingen de heer Sherwin Casper en de heer Wim Nijdam beiden een plakkaat voor hun bewezen diensten en buitengewone inzet. 

Efficiënte verbouwing leidde tot financiële winst 

Dankzij de leiding en betrokkenheid van de heer Sherwin Casper, Directeur van de Stichting Belasting Accountants Bureau kon de verbouwing veel efficiënter worden uitgevoerd dan voorzien. Het gebouw werd opgeleverd voor 27 miljoen gulden minder dan begroot, en bovendien in aanzienlijk kortere tijd. Waar aanvankelijk vijf jaar gepland stond, werd het project veel sneller afgerond, wat leidde tot een besparing van circa 8 miljoen gulden aan huurkosten die anders naar het WTC zouden zijn gegaan. 

Duidelijke voordelen voor medewerkers 

Naast de financiële winst zijn er ook duidelijke voordelen voor de medewerkers. Door de verhuizing naar de Regentesselaan zijn de terugkerende problemen met het WTC verleden tijd. Kostbare schoonmaakbeurten, door de aanhoudende schimmel in het gebouw , zijn niet langer nodig en het ziekteverzuim is drastisch afgenomen. Ook op praktisch vlak zijn verbeteringen zichtbaar: extra parkeerplaatsen dankzij de familie Gois, en een overkapping die het belastingkantoor verbindt met het gebouw van de SBAB, zodat medewerkers niet meer door regen of zon hoeven te lopen. 

Veiligheid en modernisering 

Ook de veiligheid is opgevoerd. Het terrein is voorzien van een stevige omheining en een nieuw portier huis, waardoor de toegang tot het complex beter gecontroleerd wordt. De opening markeert volgens de aanwezigen een belangrijke stap in de modernisering van de overheidsdiensten: een investering die niet alleen miljoenen heeft bespaard, maar ook zorgt voor een gezondere, veiligere en productievere werkomgeving. 

Erkenning voor stille kracht 

Ook de heer Wim Nijdam ontving uit handen van minister van Financiën Javier Silvania een plakkaat van verdienste. Sinds juni 2021 ondersteunt Wim Nijdam – vaak achter de schermen – het management van de Belastingdienst. Hoewel zijn naam eerder in de publiciteit opdook door ongefundeerde beschuldigingen, tonen de feiten een ander beeld: zijn werk heeft wezenlijk bijgedragen aan het succes van de dienst en de forse groei van de belastingopbrengsten. 

Start in 2021: lege schatkist en urgente opdracht

Na de coronapandemie stond Curaçao er financieel slecht voor. De schatkist was leeg en steun uit Nederland kwam slechts onder strikte voorwaarden. Minister Silvania vroeg Wim Nijdam in juni 2021 een plan te maken om op korte termijn de belastingopbrengsten te verhogen. Binnen enkele dagen lag er een concreet tienpuntenplan, waarmee direct werd gestart. 

Belangrijke maatregelen waren het opleggen van achterstallige aanslagen in de omzet-, loon- en onroerendzaakbelasting, het intensiveren van de invordering van belastingschulden en het uitvoeren van een kortingsregeling voor oude schulden welke in het regeerakkoord was opgenomen. Het uitgangspunt was helder: “lei pa un, lei pa tur” – de wet geldt voor iedereen. Aan de bevoordeling van family & friends moet een einde komen. 

De effecten waren direct zichtbaar: de opbrengsten stegen veel sterker dan louter door economisch herstel verklaard kon worden. 

Structurele verbeteringen 

Naast de snelle opbrengsten werd gewerkt aan structurele versterking van de Belastingdienst. Op basis van een nulmeting op basis van het IMF-TADAT-framework werden vanaf 2022 jaarlijks operationele doelstellingen geformuleerd en door de minister bekrachtigd. 

Wim Nijdam introduceerde maandelijkse overleggen met teamleiders en werkte met dashboards die medewerkers, teamleiders en het management dagelijks inzicht geven in prestaties en voortgang. Deze professionalisering werd bevestigd in de IMF-audit van oktober 2024, waarin de duidelijke vooruitgang van de Belastingdienst sinds 2021 werd onderstreept. Sinds 2024 zijn de kwartaalrapportages van de belastingdienst bovendien openbaar toegankelijk via de website. 

Concrete resultaten 

De verbeteringen vertaalden zich in harde cijfers. Het aantal ondernemers dat maandelijks omzetbelasting afdraagt, steeg van 4.500 in juni 2021 tot ruim 7.000 eind 2024 – een toename van meer dan 50%. 

De belasting- en premieopbrengsten overtroffen sinds 2021 structureel de begroting. In 2024 was de opbrengst wederom Cg 102 miljoen hoger dan geraamd, terwijl diverse ‘deskundigen’ in 2021 hadden voorspeld dat de extra opbrengsten een tijdelijk karakter zouden hebben. In 2025, tot en met juli, is het positieve verschil ten opzichte van de begroting al ruim Cg 84 miljoen, dit ondersteund door versterkte inzet van de douane en SBAB. Deze extra middelen maakten het mogelijk om onder meer in de gezondheidszorg te investeren, wegen te onderhouden en de ambtenarensalarissen te indexeren. 

Breder inzetbaar 

Wim Nijdam beperkt zich niet tot de dagelijkse compliance-werkzaamheden. Zo maakt hij onder meer deel uit van de werkgroep AOV-verhoging, waar zijn kennis wordt gebruikt om een financieel verantwoorde structurele verhoging van de uitkeringen vorm te geven. Reeds

in 2023 berekende hij het positieve effect van de legalisering van ongedocumenteerden op de premie-opbrengsten. 

De resultaten sinds 2021 laten zien dat vasthoudendheid en professionalisering het verschil maken. Dankzij de inzet van velen binnen de Belastingdienst – met Wim als stille kracht achter de schermen – is de realisatie van het principe “lei pa un, lei pa tur” een stuk dichterbij gekomen en heeft Curaçao weer financiële ruimte om eigen keuzes te maken. 

Open dag Belastingdienst op 6 september 2025 

De Belastingdienst Curaçao nodigt het publiek uit voor een Open Dag op zaterdag 6 september van 10:00 AM tot en met 13:00 PM. Het publiek wordt in de gelegenheid gesteld kennis te maken met het nieuw gebouw en de moderne diensten die aan de gemeenschap worden aangeboden. 

Op deze dag kunnen bezoekers niet alleen gebruikmaken van de reguliere diensten van de Belastingdienst, maar ook deelnemen aan een speciaal programma met presentaties en informatiesessies, waarbij men direct vragen kan stellen aan onze experts. 

Officieel programma – Zaterdag 6 september 

10:00 – Welkomstwoord door minister van Financiën, de heer Javier Silvania en mevrouw Jamila Isenia 

10:10 – Presentatie van het Online Portaal 

10:50 – Presentatie Inkomstenbelasting 

11:45 – Presentatie Invordering 

12:15 – Presentatie Motorrijtuigenbelasting 

12:30 – Presentatie Onroerendezaakbelasting 

Diensten beschikbaar tijdens de Open Dag 

Speciaal voor deze gelegenheid opent de Belastingdienst haar deuren om bezoekers te helpen met: 

Uittreksel debiteurenkaart 

Aanvraag CRIB-nummer 

Ontblokkeren van account 

Betalingen aan onze balies

Wij rekenen op uw aanwezigheid tijdens deze speciale dag, als onderdeel van onze inzet voor transparantie en service aan de gemeenschap.