Direktorado di Supervishon i Mantenshon di Lei di Entidat Públiko Boneiru ta introdusí un sistema nobo di traha pa informá habitantenan mas mihó. For di awor e inspektornan ta laga un sticker ku ta hala atenshon atras, ora ku nan pasa i no haña niun hende na kas.

Riba  e sticker akí tin klaramente notá ki ora e inspektor tabata presente i dikon el a pasa – por ehèmpel pa un inspekshon relashoná ku un posibel violashon òf un otro motibu.

E persona ku haña un sticker asina, mester tuma kontakto mas pronto posibel ku e inspektor en kestion. Pa esaki e sticker ta kontené e informashonnan korekto di kontakto, manera number di telefòn i emailadrès.

Ku introdukshon di e sistema nobo di notifikashon akí Supervishon i Mantenshon di Lei ke oumentá transparensia i klaridat pa nos habitantenan. Direktor Marlon Richardson ta splika: “Ku e stickernan akí nos ta mehorá nos servisio. Habitantenan por mira mesora i na un manera klarito dikon nos a pasa i kon nan por tuma kontakto. Nos ta pidi tur hende ku haña un sticker pa tuma akshon mesora, di manera ku huntu nos por regla e situashon adekuadamente i rápidamente.”

Bo a haña un sticker di Supervishon i Mantenshon di Lei? E ora ei tuma kontakto mesora ku e inspektor ku ta menshoná riba e notifikashon. Di e manera akí por atendé rapidamente i korektamente ku bo kaso.

De Directie Toezicht & Handhaving (T&H) van het Openbaar Lichaam Bonaire voert een nieuwe werkwijze in om inwoners beter te informeren. Vanaf nu laten inspecteurs een opvallende sticker achter wanneer zij langskomen en niemand thuis aantreffen.

Op deze sticker staat duidelijk vermeld wanneer de inspecteur aanwezig was en waarom hij of zij langskwam – bijvoorbeeld voor een inspectie naar aanleiding van een mogelijke overtreding of een andere aanleiding.

Wie zo’n sticker ontvangt, moet zo snel mogelijk contact opnemen met de betreffende inspecteur. De sticker bevat hiervoor direct de juiste contactgegevens, zoals telefoonnummer en e-mailadres.

Met de invoering van deze nieuwe kennisgeving wil T&H de transparantie en duidelijkheid richting de inwoners vergroten. Directeur Marlon Richardson licht toe:

“Met deze stickers verbeteren wij onze dienstverlening. Inwoners krijgen direct en helder te zien waarom wij langskwamen en hoe zij contact kunnen opnemen. Wij vragen iedereen die een sticker ontvangt om meteen actie te ondernemen, zodat we samen de situatie goed en snel kunnen afhandelen.”

Heeft u een sticker van Toezicht & Handhaving ontvangen? Neem dan direct contact op met de inspecteur die op de kennisgeving staat vermeld. Zo kan uw zaak snel en correct worden opgepakt.