Entrada hudisial ku dos detenshon pa violashon di lei di droga i trafikashon di hende
KUERPO POLISIAL KÒRSOU
KOMUNIKADO DI PRENSA 352/2025 19 sèptèmber 2025
Entrada hudisial ku dos detenshon pa violashon di lei di droga i trafikashon di hende
Djabièrnè 19 di sèptèmber 2025, alrededor di 04.30’or, personal di Divishon di Krímen Organisá a tene entrada hudisial na un kas riba Sto. Domingoweg. E entrada hudisial tabata den kuadro di un investigashon relashoná ku violashon di lei di droga i trafikashon di hende ku morto komo konsekuensia. Kontinuando ku e investigashon a haña i konfiská un kantidat di droga i plantashon di mariwana.
Enkonekshon ku esaki a detené e dama G.M. di 35 aña di edat i e hòmber J.P. di 38 aña di edat, ámbos nasé na Kòrsou, pa e kasonan ariba menshoná.
A presentá e sospechosonan dilanti di un fiskal ouksiliar ku a ordená nan enkarselamentu pendiente di mas investigashon.
