KUERPO POLISIAL KÒRSOU 

 

KOMUNIKADO DI PRENSA

357/2025

23 sèptèmber 2025 

Kurpa sin bida ta drif den área di Mega Pier 

Djamars 23 di sèptèmber 2025 alrededor di 06.55’or, Sentral di polis a risibí notifikashon, ku  den área di Mega Pier, tin un kurpa sin bida di un hende muhé den estado di  deskomposishon ta drif. 

Mesora a pone personal di brantwer na altura ku a saka e kurpa for di den awa. 

Alrededor di 08.03’or dòkter di polis a konstatá morto. 

Riba òrdu di Fiskal di Ministerio Públiko a konfiská e kurpa pa mas investigashon.