ARUBA: Helicopter modelo mas nobo ta reemplasa esun actual di KPA.

-ARUBA: Helicopter modelo mas nobo ta reemplasa esun actual di KPA.

Awe tardi a yega un helicopter cu lo reemplasa e helicopter existente den uso pa Cuerpo Policial di Aruba.
Ta trata di un helicopter Bell 206L-3 cu ta un modelo similar y mas nobo cu e actual Bell 206L-1. Den e proximo dianan lo traspasa e equiponan relevante pa e helicopter Bell 206L-3 y conclui e proceso di registracion.
Desde cu Gobierno di Aruba den cuadro di e maneho di Minister mr. Andin Bikker a re-introduci e disponibilidad un helicopter pa Cuerpo Policial na 2019, e vigilancia for di aire a logra contribui substancialmente na e seguridad di frontera y na nos pais en general,specialmente mirando e retonan sin precedente di intentonan pa entreda illegal for di lama cu nos pais a bin ta enfrentando debi na e situacion regional.